Staršynia KDB Biełarusi Valeryj Vakulčyk paćvierdziŭ siońnia žurnalistam raniejšuju infarmacyju pra toje, što niadaŭna siarod supracoŭnikaŭ orhanaŭ dziaržbiaśpieki byŭ vyjaŭleny zdradnik.
«Kamitet dziaržaŭnaj biaśpieki nie staŭ vyklučeńniem u šerahu tych śpiecsłužbaŭ, u jakich źjaŭlalisia zdradniki», — skazaŭ žurnalistam Valeryj Vakulčyk.
Jon rastłumačyŭ, što byŭ ustalavany vajskoviec KDB, jaki supracoŭničaŭ z zamiežnaj raźviedkaj. «U svaju špijonskuju dziejnaść jon uciahnuŭ žonku.
My nie dapuścili ich uciokaŭ za miažu. Całkam zadakumientavana ich supraćpraŭnaja dziejnaść. Ich zatrymali z dokazami złačynstva», - raspavioŭ kiraŭnik KDB.
Vina zatrymanych była dakazanaja ŭ sudzie — abodva prysudžanyja da 15 hadoŭ pazbaŭleńnia voli.
Usiaho ŭ sučasnaj historyi Respubliki Biełaruś zavodzilisia try spravy pa art. 358 KK «Špijanaž».
Pryčym, havorka idzie nie tolki pra špijonaŭ, jakija pracavali na karyść Zachadu. Adna z takich spraŭ była raspačata ŭ mai hetaha hoda.
«U dačynieńni da aficera raźviedki adnoj z zamiežnych dziaržaŭ była zaviedziena sprava. Jon aryštavany i znachodzicca ŭ SIZA KDB», — rastłumačyŭ Valeryj Vakulčyk.
***
Taksama za ŭsiu historyju sučasnaj Biełarusi ŭ dačynieńni da 11 biełaruskich hramadzian zavodzilisia spravy pa art. 356 KK (zdrada radzimie).
U tym liku ŭ 2014 hodzie takija spravy zavodzilisia ŭ dačynieńni da čatyroch čałaviek. Akramia hetaha, z dnia abviaščeńnia niezaležnaści Respubliki Biełaruś u krainie abvieščanyja piersonami non hrata 10 dypłamataŭ, jakija zajmalisia špijonskaj dziejnaściu. «Dva ź ich byli vyjaŭlenyja ŭ minułym hodzie. Pryčym usie jany ŭ strohaj adpaviednaści ź mižnarodnymi normami byli zatrymanyja z dokazami złačynstva pry ažyćciaŭleńni raźviedvalnaj dziejnaści. Heta było zadakumientavana adpaviednym čynam i pasłužyła padstavaj dla abviaščeńnia ich piersonami non hrata. Dumaju, heta pakazvaje realnaje stanovišča spraŭ u pracy našaj kontrraźviedki», — rastłumačyŭ žurnalistam Valeryj Vakulčyk.
Były ministr kultury Rusłan Čarniecki znajšoŭ sabie padpracoŭku9
Kamientary