Kontrraźviedka Čechii: Rasija sprabuje stvaryć u Jeŭropie anałah Kaminterna
Słužba biaśpieki i infarmacyi Čechii (BIS) zafiksavała aktyŭnaść u respublicy rasijskaj, ukrainskaj i kitajskaj raźviedak. Pra heta skazana ŭ tradycyjnym štohadovym dakładzie, apublikavanym u piatnicu, 4 vieraśnia, na sajcie češskaj kontrvyviedki.
BIS, jak i ŭ papiarednija hady, paviedamlaje ab vialikaj kolkaści aficeraŭ rasijskaj raźviedki, jakija pražyvajuć i jakija zajmajucca aktyŭnaj dziejnaściu na terytoryi Čechii. U śfiery intaresaŭ rasijskaj vyviedki, adznačaje viedamstva, značycca enierhietyčny kompleks krainy i navukova-techničny siektar. Surjoznaj zadačaj źjaŭlajecca taksama ŭździejańnie na rasiejskuju supołku ŭ Čechii. Pry hetym, adznačajecca ŭ dakumiencie, u śviatle kryzisu va Ukrainie Rasija i jaje prychilniki zajmajucca ŭ Čechii biełaj, šeraj i čornaj prapahandaj, hruntujučysia na pravieranych časam savieckich mietadach: utojvańnie ułasnych dziejańniaŭ i demanizacyi Zachadu. Pry hetym vykarystoŭvajecca šerah instrumientaŭ: ad ideałahičnaha manipulavańnia hramadzianami, jakija nieŭśviadomlena padtrymlivajuć rasiejskuju prapahandu, da pryciahnieńnia śpiecyjalistaŭ, jakija pracujuć z ruskaj supołkaj.
Jak śćviardžajuć aŭtary dakumienta, rasijskaja i prarasijskaja prapahanda ŭ Čechii i inšych krainach - siabrach ES nakiravana nie tolki suprać cełasnaści ES i NATA. Rasija sprabuje stvaryć u Jeŭropie strukturu, anałahičnuju Kaminternu, zasnavanaha ŭ 1919 hodzie ŭ paślarevalucyjnaj Maskvie. Hetaja struktura hruntujecca na ideałohii rasijskaha palitołaha Alaksandra Duhina i jaho teoryi nieajeŭrazijstva, jakaja moža akazacca prymalnaj dla šyrokaha śpiektru jeŭrapiejskich palityčnych sił: ad levych ekstremistaŭ i papulistaŭ da vielmi pravych. Ciapierašniaja mižnarodnaja, palityčnaja i sacyjalnaja situacyja vielmi blizkaja da taho, što adbyvałasia ŭ 1930-ja hady - u załatuju eru Kaminterna, adznačajecca ŭ dakumiencie.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary