Biełaruś stała adzinaj krainaj, jakaja pavialičyła pastaŭki miasa i inšych vidaŭ praduktaŭ charčavańnia ŭ Rasiju paśla ŭviadzieńnia Maskvoj embarha na ŭvoz sielskahaspadarčaj pradukcyi i ES, ZŠA i šerahu inšych krain.
Pavieličeńnie pastavak ź Biełarusi adbyłosia na fonie ahulnaha padzieńnia impartu charčovych tavaraŭ, adznačyŭ na pres-kanfierencyi ŭ Maskvie namieśnik kiraŭnik Rasstata Kanstancin Łajkam.
Pastaŭki śviežaha miasa źnizilisia na 12% da 47,5 tys. ton z 53,9 tys. ton u paraŭnańni z 2014 hodam. Pry hetym dola Biełarusi ŭ struktury pastavak vyrasła z 70 da 90%.
Biełaruś pavialičyła ekspart u RF zamarožanaha miasa bujnoj rahataj žyvioły, i jaje dola na rynku vyrasła da 8%. 55% prypadaje na Braziliju i 33% na Parahvaj. Ahulny abjom impartu zamarožanaha miasa ŭpaŭ na 30% — da 138,8 tys. ton.
Impart biełaruskich syroŭ u Rasiju vyras bolš čym na tracinu. Ich dola dasiahnuła 75%. Pastaŭki syroŭ ź ES skaracilisia ŭ 14 razoŭ — da 10%.
Pry skaračeńni impartu jabłykaŭ i hruš biełaruskija pastaŭščyki pavialičyli abjomy pastavak hetaj sadaviny ŭ 2,5 raza, a dyń i kavunoŭ — u čatyry razy. Praŭda, abjomy bachčavych ź Biełarusi nievialikija, adznačyŭ Łajkam.
-
Štučny intelekt nie vaš supiernik, a vaš pamočnik. Daviarajcie inavacyjam, vam prosta daviadziecca ŭvieś čas padvučvacca
-
Narviehija stvaraje «Tinder dla navukoŭcaŭ i biznesu». Urad budzie apłačvać «pieršaje spatkańnie»
-
Amierykancy lubiać havaryć pra zaniapad Jeŭropy. Ale bolšaść jeŭrapiejcaŭ žyvie lepš za ich. Praŭda, jašče nie biełarusy
Ciapier čytajuć
Hety biełarus daśleduje rak — voś što jon kaža pra SPF ad miełanomy, navukovy prahres i samy składany ŭ lačeńni rak3
Kamientary