Kiraŭnik inicyjatyŭnaj hrupy pa vyłučeńni kandydatam u prezidenty ekanamista Viktara Ciareščanki Aleh Nieściarkoŭ, ab źniknieńni jakoha ŭčora zajavili ŭ vybarčym štabie, znajšoŭsia.
Pra heta paviedamiŭ Siarhiej Skrabiec, jaki źjaŭlaŭsia davieranaj asobaj Ciareščanka.
«Nieściarkoŭ znajšoŭsia, ja ŭčora ź im razmaŭlaŭ. Ź im usio narmalna», - skazaŭ Skrabiec.
Pavodle jaho słoŭ, Nieściarkoŭ patłumačyŭ, što nie vychodziŭ na suviaź z paplečnikami, bo byŭ złamany telefon. «Heta jaho asabistaja sprava», — dadaŭ Skrabiec.
Uziać kamientar u samoha Nieściarkova nie ŭdałosia — jon pa-raniejšamu nie adkazvaje na telefonnyja zvanki.
Pra toje, što Nieściarkoŭ źnik i bolš za tydzień nie vychodzić na suviaź sa štabam, paviedamiŭ Ciareščanka 10 vieraśnia.
«Našy sproby znajści jaho nie ŭviančalisia pośpiecham. Bolš za siem dzion ja jaho nie bačyŭ i nie čuŭ. Dva jaho mabilnyja telefony adklučanyja, členy majho štaba sprabavali jaho znajści, ale nie znajšli. Kudyści adjechać jon nie moh. Padobna na toje, što niešta adbyłosia ź im», — raspavioŭ Ciareščanka.
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary