Biełaruś macniejšaja za Rasieju

Daślednicki centar Brookings Institution apublikavaŭ «Rejtynh słabaści dziaržaŭ». U jahonych ramkach była acenienaja 141 dziaržava śvietu. Aenki pravodzilisia na asnovie čatyroch hałoŭnych indykataraŭ: sytuacyi ŭ ekanomicy, palitycy, biaśpiecy j sacyjalnaj sfery.

Pry acency sytuacyi ŭ ekanomicy ŭličvalisia takija pakaźniki, jak tempy rostu nacyjanalnych ekanomik, dola vałavaha ŭnutranaha praduktu na dušu nasielnictva, tempy inflacyi, razryŭ u dachodach miž bahatymi j biednymi, a taksama jakaść dziaržaŭnaha kiravańnia.

Pry acenkach palityčnaj sytuacyi — efektyŭnaść pracy ŭładaŭ, stupień viaršynstva zakonu, adkrytaść i padspravazdačnaść uładaŭ, stupień kantrolu za karupcyjaj i ŭzrovień asabistaj svabody.

Pry acenkach sfery biaśpieki braŭsia da ŭvahi ŭzrovień palityčnaj stabilnaści, najaŭnaść abo adsutnaść unutranych kanfliktaŭ, častata j intensiŭnaść parušeńniaŭ pravoŭ čałavieka i inš.

Sacyjalnaja sfera analizavałasia na padstavie takich pakaźnikaŭ, jak uzrovień dziciačaj śmiarotnaści, dastupnaść adukacyi, čakanaja praciahłaść žyćcia, dostup nasielnictva da vodapravodu j kanalizacyi dy inš. Hetyja pakaźniki vybiralisia z specyjalizavanych spravazdač roznych strukturaŭ AAN i viadomych daślednickich arhanizacyj.

U pieršuju dziasiatku najbolš słabych dziaržaŭ trapili:

• Samali,
• Afhanistan,
• Konha,
• Irak,
• Burundzi,
• Sudan,
• Centralna‑afrykanskaja Respublika,
• Zymbabve,
• Liberyja j
• Kot DJIvuar.

Z krainaŭ byłoha SSSR najhoršaja sytuacyja skłałasia ŭ Turkmenistanie j Uzbekistanie, jakija zaniali adpaviedna 35‑ie i 36‑ie miescy.

• Tadžykistan apynuŭsia na 42‑j pazycyi,
• Rasieja — na 65‑j,
• Kyrhyzstan — na 73‑j,
• Azerbajdžan — na 80‑j,
• Biełaruś — na 81‑j,
• Małdova — na 88‑j,
• Kazachstan — na 89‑j,
• Hruzija — na 90‑j,
• Armenija — na 105‑j
• Ukraina — na 107‑j,
• Łatvija — na 136‑j,
• Litva — na 138‑j.

Dla paraŭnańnia,

• Pakistan apynuŭsia na 33‑m miescy,
• Uschodni Tymor — na 43‑m,
• Kienija — na 50‑m,
• Alžyr — na 57‑m,
• Syryja — na 59‑m,
• Kuba — na 62‑m,
• Iran — na 66‑m,
• Indyja — na 67‑m,
• Kitaj — na 74‑m,
• Vijetnam — na 83‑m,
• Libija — na 86‑m,
• Turcyja — na 98‑m,
• Liban — na 93‑m,
• Serbija — na 108‑m,
• Arhientyna — na 115‑m,
• Polšča — na 135‑m.

Rejtynh zamknuli (to bo hetyja krainy jość najbolš ustojlivymi) Słavakija, Vuhorščna j Čyli.

U cełym, aŭtary rejtynhu raźnieśli dziaržavy pa piaci asnoŭnych katehoryjach:

• «zbankturtavanyja dziaržavy» (naprykaład, Afhanistan, Samali, Konha),
• «krytyčna słabyja dziaržavy» (Irak, Paŭnočnaja Kareja, šerah krain Centralnaj Afryki)»,
• «słabyja dziaržavy» (u hetuju hrupu trapili Turkmenistan, Uzbekistan i Tadžykistan poruč z Pakistanam, Venesuełaj, Kambodžaj, Laosam, Mazambikam i inš.).
• U čaćviortuju hrupu — dziaržavy, jakiai patrabujuć uvahi, — uniesienyja Biełaruś, Rasieja, Kyrhyzstan i Azerbajdžan, razam z Kitajem, Indyjaj, Indanezijaj, Namibijaj, Ehiptam, Kalumbijaj dy inš.
• Piataja hrupa abjadnoŭvaje dastatkova mocnyja i ŭstojlivyja dziaržavy — u jaje zaniesienyja Małdova, Kazachstan, Hruzija, Armenija, Ukraina, Łatvija j Litva.

Pavodle «Washington Profile»

• 0
• 0
• 0
• 0
• 0
• 0
• 0
• 0