U ZŠA sprečka pamiž dziećmi z-za ščaniuka skončyłasia stralboj
U ZŠA 11-hadovy chłopčyk streliŭ u dziaŭčynku sa strelby paśla taho, jak dzieci nie zmahli padzialić ščaniuka. Ad atrymanych ranieńniaŭ 8-hadovaja Makajła Dajer pamierła, paviedamlaje The Washington Post.
Pa słovach palicejskaha, chłopčyk paprasiŭ u Makajły pahladzieć na jaje ščaniuka, ale jana admoviłasia, paśla čaho złačyniec dastaŭ zbroju. Jon adkryŭ ahoń pa dziaŭčyncy z akna svajho doma, pakul taja znachodziłasia ŭ siabie ŭ dvary. Zbroja, jakaja zachoŭvałasia ŭ šafie biez usialakich zamkoŭ, naležała baćku 11-hadovaha strałka.
Kali palicyja i śviedki prybyli na miesca zdareńnia, jany pabačyli na ziamli dziaŭčynku z kulaj u hrudziach. Jana była dastaŭlena ŭ balnicu, adnak daktary nie zdoleli jaje vyratavać.
Dzieci vučylisia ŭ adnoj škole. Maci zahinułaj zajaviła, što raniej jana skardziłasia dyrektaru na toje, što 11-hadovy strałok pastajanna dražniŭ jaje dačku. «Kali my tolki pierajechali siudy, jon uvieś čas ździekavaŭsia z Makajły», — skazała jana.
Kamientary