U Pieršamajskim rajonie Minska pazbaŭleny akredytacyi naziralnik na prezidenckich vybarach ad ruchu «Za Svabodu» i kampanii «Prava vybaru» Piotr Markiełaŭ.
Pavodle infarmacyi pres-słužby ruchu, Markiełaŭ naziraŭ za chodam hałasavańnia na vybarčym učastku № 10 u miežach maładziožnaj inicyjatyvy «87%». «Była arhanizavana anłajn-tranślacyja, ale jaje praciah pad pytańniem, bo členy vybarčaj kamisii zabaranili karystacca elektryčnaściu», — adznačajecca ŭ paviedamleńni.
Jak zajaviŭ Markiełaŭ, na jaho było padadziena vosiem skarhaŭ ad «praŭładnych naziralnikaŭ» i členaŭ kamisii «pa absalutna roznych nadumanych pryčynach».
Naziralnik rychtuje skarhi na rašeńnie kamisii, a taksama na «nieapiačatvańnie pakoju sa skryniaj dla hałasavańnia» i «znachodžańnie nieviadomych asob na vybarčym učastku».
Kamientary