Supracoŭniki DAI ciaham dziesiaci kilametraŭ sprabavali spynić pjanaha kiroŭcu. Jak vyśvietliłasia, amatar chmialnoj jazdy ŭžo ŭ piaty raz zatrymlivajecca za analahičnaje parušeńnie.
Supracoŭniki DAI ciaham dziesiaci kilametraŭ sprabavali spynić pjanaha kiroŭcu. Jak vyśvietliłasia, amatar chmialnoj jazdy ŭžo ŭ piaty raz zatrymlivajecca za analahičnaje parušeńnie.
Uciakać ad milicejskaj pahoni Siarhieju nie ŭ navinu. Zatrymańnie za kiravańnie ŭ pjanym vyhladzie — užo piataje za 2 hady. Za plačyma — sutyknieńnie łob u łob z mašynj DAI, sudzimaści za ŭhon i kiravańnie «pad chmielem». Jon i ciapier adbyvaje pakarańnie — dva hady vypraŭlenčych prac. Adsutnaść pravoŭ sadzicca za rul nie zaminaje.
Siarhiej Caryk, parušalnik:
«Kožny dzień tolki ćviarozy. Byvaje pa vychodnych, nu jak pa vychodnych, jak kali atrymajecca, možaš sieści vypiŭšym. A tak u asnoŭnym, dachaty pryjechaŭ, pastaviŭ mašynu i ŭsio».
Kiroŭca parušyŭ chutkasny režym i nie spyniŭsia pa patrabavańni DAI. Pačałosia pieraśledavańnie. Falksvahien piatlaŭ i vyskokvaŭ na ŭzbočyny.
Mikałaj Pačko, inspektar darožna‑patrulnaj słužby adździaleńnia DAI Ivacevickaha RAUS:
«Pa ŭzbočynie ruchalisia j piešachody, išoŭ sustrečny transpart. Pieraśledavańnie było duža ciažkim. Jon nie davaŭ zrabić maneŭr abhonu, kab jaho prycisnuć. Maneŭr abhonu stała mahčymym zrabić tolki paśla taho, jak prymianiałasia ŭžo ahniastrelnaja zbroja, i byli prabityja dva zadnija koły».
Pieraśled nie spyniaŭsia na praciahu 10 kilametraŭ. I heta na ŭčastku, dzie pavodle źviestak DAI adbyvajecca samaja vialikaja ŭ rajonie kolkaść avaryj ź śmiarotnymi zychodami.
Siarhiej ujechaŭ u dvor niežyłoha domu. Kinuŭ mašynu j kinuŭsia biehčy.
Analiz kryvi Siarhieja pakazaŭ utrymańnie alkaholu — adzin i vosiem dziasiatych pramile. Prykładna plaška harełki — tłumačać supracoŭniki DAI.
Anatol Łucevič, staršy dziaržaŭtainspektar Mižrajonnaha adździełu DAI UUS Bieraściejskaha abłvykankamu:
«My spadziavalisia, što ŭviadzieńnie novaha administracyjnaha kodeksu z 1 sakavika 2007 hodu niejak spynić kiroŭcaŭ, i niejak napužaje ich uviadzieńniem takoj normy za paŭtornaje parušeńnie, to bo kiravańnie ŭ niećviarozym vyhladzie praduhledžanaja kryminalnaja adkaznaść».
Statystyka pakazvaje advarotnaje. Užo sioleta ŭ Bieraściejskaj vobłaści zatrymana bolš za 2 tysiačy pjanych kiroŭcaŭ. Na 200 bolej, čym za taki ž letašni peryjad. Tolki ŭ Ivacevickim rajonie piaciora recydyvistaŭ umudrylisia sieści pjanymi za rul užo padčas adbyvańnia pakarańnia za kiravańnie ŭ niećviarozym stanie.
Siarhieja čakaje čarhovy sud. Maksymalnaje praduhledžanaje pakarańnie — albo aryšt terminam da šaści miesiacaŭ, albo štraf pamieram da 35 miljonaŭ rubloŭ.
Ilustracyja UZR.com.ua
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary