Udarnym kancertam u Minsku amierykanski rok-hurt Imagine Dragons praciahvaje jeŭrapiejskuju častku suśvietnaha turne Smoke + Mirrors, jakoje 22 studzienia pryviało uładalnikaŭ «Hremi-2014» u Biełaruś.
Mienavita z hetym šoŭ Imagine Dragons prajechali letam pa ZŠA, a ŭsiaho paru miesiacaŭ tamu sabrali anšłahi va ŭsioj Jeŭropie. Poŭnyja zały ŭ adzin hołas padpiavali chitam Radioactive, Demons, On Top Of The World.
Doŭhačakanaje vystupleńnie ŭ Minsku rok-hrupy pačałosia a 20.30 (zamiest zapłanavanych 19.00) praz spaźnieńnie hruzavikoŭ sa sceničnym abstalavańniem. Aŭtakałonie pa darozie z Budapiešta, dzie hurt davaŭ papiaredni kancert, pieraškodzili ŭmovy nadvorja. Sami muzyki prylacieli ŭ Minsk pramym rejsam avijakampanii «Biełavija», piša BiełaPAN.
Salist Imagine Dragons Den Riejnołds sa sceny padzialiŭsia z fanatami radasnaj navinoj — 21 studzienia ŭ hitarysta hurta Uejna Sermana naradziŭsia syn. Ščaślivy tata moh by źjechać u Kaliforniju, ale padvieści fanataŭ prosta nie moh, tamu hurt vystupaŭ u poŭnym składzie, adznačaje BiełTA.
Sučasny huk, vidoviščnyja śvietłavyja i śpiecefiekty, častka ź jakich była raspracavana śpiecyjalna dla Imagine Dragons, sabrali zachoplenyja vodhuki ŭ publiki, piša TUT.BY. «Heta byŭ vydatny kancert. Mianie sapraŭdy paradavaŭ huk, jon byŭ, badaj, lepšym za ŭsie kancerty, na jakija ja chadziła. Chłopcy vykłalisia na 100%», — voś adzin sa šmatlikich zapisaŭ u sacsietkach.
«Dziakuj Minsk, vy ŭsio cudoŭnyja», — napisaŭ u adkaz u svaim Tvitary barabanščyk Denieł Płatcman.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary