«Adzin z pravaachoŭnikaŭ pastaviŭ svaju nahu mnie na tvar»: za što žurnalista TUT.BY źbili ŭ budynku suda
Žurnalist TUT.BY Pavieł Dabravolski, napisaŭšy zajavu ŭ milicyju pra źbićcio supracoŭnikami AMAPa ŭ čas vykanańnia słužbovych abaviazkaŭ, raspavioŭ kaleham pra toje, što adbyłosia.
«Ubačyŭšy, što z zały pasiadžeńnia suda vyvodziać ludziej z załamanymi rukami, ja ŭklučyŭ telefon i staŭ zdymać videa. Zatrymanych paviali ŭ niejki kalidor, ja prajšoŭ za imi. Za mnoj začynili dźviery i ŭpichnuli ŭ kabiniet», — raspavioŭ Pavał.
Karespandent taksama padkreśliŭ, što ŭ rukach u jaho było paśviedčańnie i jon niekalki razoŭ papiaredziŭ, što źjaŭlajecca pradstaŭnikom presy.
U pakoi, akramia Paŭła, znachodzilisia taksama dvoje zatrymanych, Maksim Šycik i Pavieł Siarhiej, i 5—6 čałaviek u cyvilnym. Jak vyśvietliłasia paźniej, heta byli supracoŭniki AMAPa, bo niekatoryja ź ich byli śviedkami na pracesie suprać žurnalista i aktyvistaŭ.
«Vyrvali z ruk kamieru, žurnalisckaje paśviedčańnie i pačali źbivać. Pa maich adčuvańniach, mnie nanieśli paradku niekalkich dziasiatkaŭ udaraŭ nahami. Ja pasprabavaŭ zakryć tvar rukami i padstaŭlaŭ śpinu. Potym mnie zakrucili ruki, a niechta z pravaachoŭnikaŭ pastaviŭ svaju nahu mnie na tvar», — raspavioŭ Pavieł.
Słovy Paŭła paćviardžaje adzin z aktyvistaŭ — Maksim.
«Jak tolki nas ŭpichnuli ŭ pakoj, na nas pasypalisia ŭdary. Potym nas pakłali tvaram u padłohu — chvilin 20 my tak lažali. Potym nas padniali i ŭ supravadžeńni prybyłaha supracoŭnika RUUS paviali na vychad», — raspavioŭ adzin z aktyvistaŭ.
Žurnalist i aktyvisty byli dastaŭleny ŭ RUUS Frunzienskaha rajona.
U RUUS Pavieł pravioŭ try hadziny. Zatym chłopcaŭ advieźli ŭ sud, jaki byŭ vielmi niadoŭhim.
«Sud zaniaŭ paŭhadziny. Sudździa aznajomiłasia z materyjałami spravy. Paprasiła apisać situacyju. Byli try śviedki — adzin ź milicyi i dvoje amapaŭcaŭ u cyvilnym. Milicyjant skazaŭ, što nie bačyŭ mianie ŭ zale suda, a amapaŭcy zajavili, što ja na ich napaŭ, abaraniajučy aktyvistaŭ. Nu i «tradycyjna łajaŭsia matam»», — raspavioŭ Pavał.
Sud nad aktyvistam Maksimam Šycikam zaniaŭ 15 chvilin. Sudździa pacikaviłasia ŭ aktyvista, navošta jon razharnuŭ raściažku, ź jakoj metaj, i ci pryznaje jon vinu.
Supracoŭniki pravaachoŭnych orhanaŭ zajavili ab tym, što Pavieł Dabravolski atrymaŭ traŭmy, abaraniajučy svaich siabroŭ-aktyvistaŭ. Na spravie žurnalist i aktyvisty nie byli znajomyja da siońniašniaha dnia.
Adkazvajučy na pytańnie, što źbirajecca rabić Paša ŭ bližejšy čas, naš kaleha skazaŭ: «Ja chaču spraviadlivaści. I kab takoje nie paŭtarałasia. Ja maju namier davieści spravu da kanca — napisaŭ zajavu, zdymu paboi, źviarnusia ŭ sud. Sprava navat nie ŭ tym, što ja žurnalist. U cyvilizavanym hramadstvie pravaachoŭnyja orhany nie majuć prava źbivać ludziej».
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury6
Kamientary