Miesca, jakoje pustavała na praciahu piaci hadoŭ, narešcie, ažyło: pieršaja viečarynka projdzie na Charužaj, 29 užo 5 lutaha. Tut adkryvajecca Rich Cat — načny kłub premium-kłasa, paviedamlaje relax.by.
Pa słovach uładalnikaŭ, novaje miesca budzie adroźnivacca muzyčnym farmatam: pop, r'n'b i mash up buduć hučać ad «niezajezdžanych», ale papularnych vykanaŭcaŭ. Stanuć zaprašać albo zorak, jakija pabyvali ŭ Minsku adnojčy, albo tych, chto siudy pakul nie pryjazdžaŭ. Budzie i žyvaja muzyka, naprykład, kavier-hrupy. Abaviazkovaja častka art-kampanii — zakrytyja i tematyčnyja viečarynki.
Viasnoj u susiednim pamiaškańni pačnie pracavać kruhłasutačny bar-kaljan, a jašče krychu paźniej — terasa, dastupnaja kruhły hod. Rich Cat stanie kompleksam z troch miescaŭ dla roznaha farmatu adpačynku: viačery na vierandzie, «rełaksu» ŭ kaljannaj i tusoŭki ŭ kłubie.
Interjer abiacajuć «aśviažać» raz na 3-4 miesiacy: pryvozić novyja dekaracyi, mianiać kalarovyja rašeńni i hetak dalej. Skulptury kotak u kłubie vykonvajuć rolu asnoŭnych elemientaŭ dekoru: jany ŭ ścienach, na scenie, u zale.
U mieniu stravy jeŭrapiejskaj, japonskaj i aŭtarskaj kuchni. Usie kłasičnyja pazicyi pa-svojmu interpretavanyja šef-povaram. U jaho vykanańni možna pasprabavać, naprykład, sałatu z morapraduktami za 220 tysiač rubloŭ, stejk ź jałavičyny sa sparžaj za 280 tysiač, tyramisu za 99 tysiač. Viny buduć kaštavać ad 1,3 da 7 młn za butelku, kaktejli — ad 120 da 350 tysiač.
Na ŭvachodzie budzie strohi fejs-kantrol: dziaŭčat čakajuć u sukienkach i na abcasach, chłopcaŭ — u kašulach. Dziejničaje sistema łajalnaści dla pastajannych haściej: karty, jakija dajuć 15-pracentnuju źnižku na stravy i prava biaspłatna naviedvać kancerty. Dla dziaŭčat uvachod u kłub zaŭsiody budzie volnym. Chłopcy na adkryćci zapłaciać 300 tysiač, u astatni čas uvachod im abydziecca ŭ 200 tysiač.
Na adkryćci 5 lutaha ŭ Rich Cat abiacajuć vystupy iluzijanista, šoŭ-baleta, pavietranych himnastaŭ, go-go tancorak, muzykaŭ i papularnych u Jeŭropie Dj.
Kamientary