Praces pačniecca ŭ Maskoŭskim sudzie stalicy a 12 hadzinie, sudździom budzie Ŭładzimier Aŭdziejenka.
Siarhiej Parsiukievič byŭ aryštavany i źmieščany ŭ śledčy izalatar na Vaładarskaha 4 sakavika, kali jon pryjšoŭ na dopyt da śledčaha Dźmitryja Razanki. Suprać Parsiukieviča 31 studzienia była zaviedzienaja kryminalnaja sprava pa artykule 364 KK («hvałt, albo pahroza hvałtu ŭ adnosinach da rabotnika milicyi»). Pradprymalniku pahražaje da šaści hadoŭ źniavoleńnia, pa tym samym artykule sudziać i Andreja Kima. Abvinavačvańnie zvodzicca da taho, što padčas adbyćcia 15‑sutačnaha aryštu na Akreścina, Parsiukievič źbiŭ namieśnika dziažurnaha Alaksandra Dłupa. Sam pradprymalnik kaža, što źbivali akurat jaho.
10 krasavika Viera Stramkoŭskaja naviedvała Siarhieja Parsiukieviča ŭ SIZA. Pavodle jaje słovaŭ, z prychodam ciapła ŭ padabaronnaha abvastryłasia astma. «Siarhieju vielmi ciažka dychajecca, u kamery znachodzicca 13 čałaviek na 10 spalnych miescaŭ, što taksama nie nadaje zdaroŭja», — zaznačaje V.Stramkoŭskaja.
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary