Staś Karpaŭ: Vostraja niastača sputnikaŭ (dla pahromaŭ)

O! Dobraja navina, darahi norčaty sacyjołah-biełarusavied! Na biełaruskuju redakcyju «Sputnika» abrynułasia abvinavačańnie ŭ «nacyjanaliźmie». Nu, cipa jany, kiepska niasuć štandar centralnaj jačejki i aśviatlajuć usialakich Vajciuškievičaŭ i dajuć słova ŭsialakim volskim, zamiest taho, kab cikavicca, dakole ruski čałaviek pam-pam-pam, i vykryvać biełapalakaŭ i tam, i tut.

I dumaju ja z hetaj nahody — mnohaje. Sprava ŭ tym, što i my i jany, zmahary fejsbučnych frantoŭ, takija jak by žuki ŭ łužynie. A žuk u łužynie maje adnu śpiecyfiku barachtańnia. Pamier łužyny dla žuka zaŭsiody zahadkavy, nieakreśleny. Pakul jana nie vysachnie ŭščent, jon upeŭnieny, što jaje płošča nie mianiajecca, i rost łužyny dla jaho nievidavočny. Karaciej, my nikoli nie viedajem dakładna, kolki nas. Voś, dapuścim, umoŭny dziermant machnie hryvaju, napiša pra ruski kaśmizm, biezumoŭny dzijanaŭ pastavić jamu tryccać čatyry łajki i 5 repostaŭ. Va ŭmoŭnaha dziermanta śviata — niebyvały rost papularnaści. Plus usia cytadel z nomasam pa raznaradcy vykanajuć svoj doŭh, łajkać nie radziej za raz na tydzień. Op!

— Šmat vas, Alaksiej?

— Połčyščy!

Ci voś naadvarot. Ja niešta nastraču i vyhryzu ź niaskvapnych frendoŭ łajki. I taksama paradujusia: nie marna žyćcio žyvu.

Ale pa sutnaści kaho bolš? Stasikaŭ ci Alaksiejaŭ? Nie jasna. I nie jasna da taho momantu, pakul my z Alaksiejem nie vyrašym pradavać svaju pisaninu šyrokim narodnym masam. U mianie, naprykład, hazieta budzie ŭsia takaja dyzajnierskaja. Z pahoniaj i arnamientam. «Apošniaja biełaruskaja hazeta z rysunkami». Z fotkami, piersanalna uchvalenymi Hudzilinym i cytataj ź Janki Kupały ŭ šapcy. Budu pisać pra Pankaŭca i pra Šyłu i pra futboł. Da mianie buduć prychodzić u hości: Mackievič, Karač, Kviatkoŭski, Hłobus, Adamovič… usie, chto mianie nie lubić, — palubiać mianie i pryjduć. Ja napišu nazvu łacinkaju i taraškievicaj. U mianie budzie šmat infahrafiki i čas ad času ja budu pisać «biełarusy — jany». I tady vakoł mianie ŭ ekstatyčnych kanvulsijach abjadnajucca redakcyja «Arche», Kuku i tavarystva biełaruskaj movy!

A ŭ Dziermanta, naprykład, takoje suvoraje budzie vydańnie. Manachrom, zamiest fotak kocikaŭ karty na sanskrycie i litary ŭ vyhladzie run, kab nichrana nie pračytać, i tolki «biełaruśjirasija» budzie ŭ adno słova, skorapisam i navat klinapisam i tut, i tam.

U jaho pałovu haziety buduć zajmać śpis litaratury i baniery partnioraŭ. I jašče čverć — bijahrafija Dziermanta i vodhuki siabroŭ. Vodhuki siabroŭ buduć jakim-niebudź hatyčnym šryftom, typu jak u Biblii Hutenbierha. I akramia «biełarusirasii» u šapcy možna budzie možna budzie razabrać cytatu z Valancina Ancipienki: «Lenin — eto vam nie!»

Da haziety budzie prykładacca 37% źnižka na bilet Minsk — Nižni Noŭharad na non-stop fiestyval «Bołdinskaja osień».

I voś my sustreniemsia z Alaksiejem u vysakosny hod, apoŭnačy na mościku nasuprać «Kiempinskaha». I jon mnie skaža: ja daviedaŭsia, Stanisłaŭ, što tvaja hazieta pradajecca našmat lepiej, čym maja. A ŭ čym, s*ka ty takaja, pryčyna? U ciabie ž navat banieraŭ partnioraŭ niama i navat cytata z Kupały — z pamyłkaj.

I tut ja jamu adkažu:

— A ty kali usia zavarucha vakoł «Sputnika» adbyvałasia — čamu dziubaj plaskaŭ? Kali vyśvietliłasia, što biełaruskaja redakcyja «Sputnika» nastolki ž ideałahična dalokaja ad ruskaj, jak i biełaruskaja «Kamsamołka» — ad rasijskaj? Treba ž było padumać, čamu tak adbyvajecca? To bok, kali ty metanakiravana padbiraješ ludziej, jakim tłumačyš, što ŭ ciabie za resurs i jakija ŭ jaho płany, jakaja pazicyja i ŭsio takoje — to nie moža ŭ ciabie atrymacca mient zamiest pažarnika. U ciabie pavinien atrymacca jašče adzin «Sputnik i pahrom», a nie «KP-Biełaruś».

Pavialičyć

A pryčyna ŭ tym, što vyśvietliłasia, što im svoj kantent tut niama kamu pradavać. Kolkaść debiłaŭ niedastatkovaja dla isnavańnia redakcyi. Debiłaŭ chapaje dla kazackaha spasa tam, dla ruskaha patryjatyčnaha kłuba, ale nie chapaje dla audytoryi miedyjnaha resursu. Dy i chto tabie rekłamu pryniasie, kali čytačy šnurki nie mohuć zaviazać, kali internacyjanał ranicaj nie pasłuchajuć?

I dziakuj bohu, — skažu ja jamu. Ujavi sabie audytoryju ź dziesiaci tysiač, naprykład, ułachovičaŭ? Jakija luta kamienciać i repościać u adnakłaśniki? A ŭjavi sabie ichni karparatyŭ?

Voś i tvaje hatyčnyja klinapisy skorapisam nichto nie čytaje i navat Dzijanaŭ učora tabie łajk nie advaliŭ, spužaŭsia, bo užo pastaviŭ 6665 štuk.

Karaciej, nacysty na Biełarusi zmahli ŭkamplektavać palicyju tolki ŭ 1942 hodzie. Nie chapała achvotnych. Prajšło 70 hadoŭ, i «Sputnik» navat jačejku svaju nie zmoh idejnymi ŭkamplektavać. Znoŭ zastajecca ŭpavać na hospada. Na hospada i tanki.

• 0
• 0
• 0
• 0
• 0
• 0
• 0
• 0