«Ja prosta tak nivodnaj cahliny nikomu nie addam» — Łukašenka adkinuŭ prapanovy ŭrada nakont «pavalnaj pryvatyzacyi»
Alaksandr Łukašenka adchiliŭ prapanovy ŭrada nakont pavalnaj pryvatyzacyi.
Ab hetym kiraŭnik dziaržavy zajaviŭ pierad tym, jak zasłuchać dakład ab padatkovaj i akcyznaj palitycy ŭ 2016 hodzie.
«Prapanovy ŭrada pa biespadstaŭnaj («ohulnoj») pryvatyzacyi pryniaty być nie mohuć. Navat pa źmienie sistemy pryvatyzacyi dziaržułasnaści», — padkreśliŭ kiraŭnik krainy.
Kiraŭnik dziaržavy adznačyŭ, što ŭ Biełarusi vybudavana dakładnaja sistema pryvatyzacyi. Inviestar, žadajučy nabyć pradpryjemstva, pavinien spačatku atrymać uchvaleńnie pracoŭnaha kalektyvu. Zatym prapanova razhladajecca na ŭzroŭni miascovych uładaŭ, urada i, narešcie, kiraŭnika krainy. Hetaja sistema, jak zaŭvažyŭ Alaksandr Łukašenka, kamuści moža zdacca zanadta zabiurakratyzavanaj, ale jana prazrystaja i vyraznaja.
Jon nahadaŭ, što pryvatyzacyja, prodaž dziaržułasnaści — heta surjoznaje pytańnie. «My siońnia pradajem toje, što nie zusim nam naležyć. Tam praca pakaleńniaŭ, našych dziadoŭ i baćkoŭ. Tamu treba vielmi akuratna padychodzić da hetych pytańniaŭ», - skazaŭ kiraŭnik dziaržavy.
Kali inviestar prychodzić z prapanovami, jakija pavinny dać chutki i značny efiekt, to jon moža ŭnieści ich uradu abo čale dziaržavy. Tak zvanaja pryvatyzacyja źvierchu nie vyklučanaja, i tady prezident niasie poŭnuju adkaznaść za źmianieńnie formy ŭłasnaści taho ci inšaha pradpryjemstva. Pazicyja kiraŭnika dziaržavy ŭ hetym pytańni viadomaja. «Ja prosta tak nivodnaj cahliny nikomu nie addam, bo ŭ jaje ŭkładzienaja najkałasalniejšaja praca», — nahadaŭ Alaksandr Łukašenka.
«Pryvatyzacyi być, joj padlahaje luboje pradpryjemstva ŭ krainie pry peŭnych umovach», — skazaŭ Alaksandr Łukašenka, majučy na ŭvazie zachavańnie pravoŭ rabotnikaŭ na narmalnyja ŭmovy pracy, madernizacyju pradpryjemstva, pavieličeńnie padatkovych pastupleńniaŭ u biudžet, vytvorčaść tavaraŭ, svabodna realizujucca na źniešnich rynkach.
«My pojdziem na takuju pryvatyzacyju. Inšaja krainie nie patrebna», - padsumavaŭ kiraŭnik dziaržavy.
Kamientary