Vykarystańnie avijamadelaŭ u pavietranaj prastory abmiažujuć

Vykarystańnie avijamadelaŭ u pavietranaj prastory budzie abmiežavana. Heta vynikaje z raspaŭsiudžanaha pres-słužbaj prezidenta kamientaryja da ŭkaza № 81.

Ukaz «zabiaśpiečvaje pravavoje rehulavańnie vykarystańnia sučasnych avijamadelaŭ». «Vałodajučy niebiaśpiečnymi techničnymi charaktarystykami (vyšynia i chutkaść palotu, hruzapadymalnaść i inšyja), jany stali šyroka dastupnyja nasielnictvu i vykarystoŭvajucca ŭ spartyŭnych, zabaŭlalnych metach, kamiercyjnaj i navukova-daśledčaj dziejnaści», — adznačajecca ŭ kamientaryi.

Akramia taho, «razam z karysnym prymianieńniem u roznych śfierach žyćciadziejnaści avijamadeli stali ŭjaŭlać pahrozu karystalnikam pavietranaj prastory Biełarusi». «Nie vyklučajecca taksama vykarystańnie latalnych aparataŭ takoha typu ŭ terarystyčnych, ekstremisckich i inšych złačynnych metach, u tym liku ŭ miescach praviadzieńnia masavych mierapryjemstvaŭ. Heta zapatrabavała abmiežavańnia vykarystańnia avijamadelaŭ u peŭnych vypadkach», — paviedamlaje pres-słužba.

Ukaz № 81 «udakładniaje paniaćcie avijamadelaŭ, ustanaŭlivaje prava na ich vykarystańnie ŭ pavietranaj prastory Biełarusi biez dazvołaŭ orhanaŭ Adzinaj sistemy arhanizacyi pavietranaha ruchu». Paradak vykarystańnia avijamadelaŭ vyznačyć urad. Za parušeńnie hetaha paradku budzie ŭstanoŭlena administracyjnaja adkaznaść.

Realizacyja pałažeńniaŭ dakumienta «budzie sadziejničać zabieśpiačeńniu naležnaha ŭzroŭniu biaśpieki palotaŭ pavietranych sudnaŭ i hramadskaj biaśpieki».

Nacyjanalny centr pravavoj infarmacyi udakładniaje, što pad avijamadellu razumiejecca «latalny aparat biez čałavieka na borcie, kiravańnie palotam jakoha mahčyma tolki pry ŭmovie vizualnaha kantaktu ź im, a taksama niekiravany aparat, jaki svabodna lataje».

Normy ŭkaza nabuduć moc praz šeść miesiacaŭ paśla jaho aficyjnaha apublikavańnia. Zhodna z dakumientam uradu daručana ŭ trochmiesiačny termin zabiaśpiečyć padrychtoŭku prajektaŭ zakonaŭ ab uniasieńni źmianieńniaŭ u Pavietrany kodeks, jakija zabiaśpiečvajuć vyklučeńnie ź śfiery jaho rehulavańnia dziejnaści, źviazanaj z vykarystańniem avijamadelaŭ, a taksama inšaj dziejnaści ŭ pavietranaj prastory, jakaja nie ŭjaŭlaje pahrozy dla palotaŭ pavietranych sudnaŭ.

Źmieny zakranuć Kodeks ab administracyjnych pravaparušeńniach: administracyjnaja adkaznaść za parušeńnie praviłaŭ vykarystańnia pavietranaj prastory, ustanoŭlenaja artykułam 18.41 kodeksa, budzie raspaŭsiudžvacca na parušeńnie praviłaŭ vykarystańnia avijamadelaŭ. Akramia taho, Savietu ministraŭ u šaścimiesiačny termin nieabchodna raspracavać i zaćvierdzić praviły vykarystańnia avijamadelaŭ.

• 0
• 0
• 0
• 0
• 0
• 0
• 0
• 0