Na połackim zavodzie tracinu zarobku buduć vydavać miasam i małakom
Čytač sajta charter97.org dasłaŭ u redakcyju dakumient, jakim viciebski kancern «Miasamałočnyja pradukty» abaviazaŭ Połacki małočny kambinat vypłačvać nie mienš za 30% zarobku rabotnikam svajoj pradukcyjaj.
«Vypłačvać zarobak u 2016 hodzie naturalnaj apłataj (źmiešanaja forma apłaty) u sumie nie mienš za 30% ad naličanaha fondu zarobku», — skazana ŭ dakumiencie.
Asablivaha vybaru ŭ połackich rabotnikaŭ miascovaj «małočki» nie budzie — dakumient nosić zahadny charaktar, i pierachod na naturalnuju formu apłaty pracy prapišuć u kantraktach z rabotnikami.
Namieśnik dyrektara AAT «Połacki małočny kambinat» Viktar Hieniec paćvierdziŭ, što nieŭzabavie rabotnikam prymusova daviadziecca pakidać tracinu zarobku ŭ firmovaj kramie zavoda. Praŭda, sam jon ničoha drennaha ŭ hetaj navinie nie bačyć i navat rady, što «nie daviadziecca chadzić u inšyja kramy».
«Nie razumieju, što ŭ hetym drennaha? Zachacieŭ niešta kupić — pajšoŭ u našu kramu zatavaryŭsia. Nie treba budzie ŭ inšyja kramy jeździć, šukać niešta. Usio svajo, usio vydatnaj jakaści. Pra jakuju dyskryminacyju moža być havorka?» — ździŭlajecca namieśnik dyrektara.
Dakumient prapisvaje jašče adnu navinu nie na karyść rabotnikaŭ. Zarobak im ciapier buduć vydavać u apošni dzień miesiaca, što idzie za raźlikovym miesiacam. Tak, naprykład, zarobak za luty rabotniki ŭbačać tolki ŭ samym kancy sakavika.
Kamientary