Praces budzie prachodzić u zakrytym režymie.
Nahadajem, materyjały spravy byli pieradadzienyja ŭ sud z prakuratury Minskaj vobłaści ŭ pačatku krasavika. U kancy lutaha psichijatryčnaja ekśpiertyza, što pravodziłasia ŭ Respublikanskaj kliničnaj psichijatryčnaj balnicy «Navinki» (Minsk), pryznała ŭ 29‑hadovaha minčanina stan biesśviadomaści.
Sprava, u jakoj kanstatujecca, što małady čałaviek ździejśniŭ zabojstva niepaŭnaletniaj, pieradadziena ŭ sud dla pryniaćcia ŭ adnosinach da jaho prymusovych mier biaśpieki i lačeńnia.
Abvinavačańnie ŭ ździajśnieńni złačynstva, praduhledžanaha p. 2 č. 2 art. 139 KK (naŭmysnaje zabojstva zaviedama niepaŭnaletniaha), było pradjaŭlena minčaninu 11 studzienia — da zaklučeńnia psichijatryčnaj ekśpiertyzy. Z sankcyi prakurora jon byŭ aryštavany.
Cieła druhakłaśnicy Białaruckaj siaredniaj škoły (Łahojski rajon Minskaj vobłaści) było znojdziena supracoŭnikami kryminalnaha vyšuku 3 studzienia pad budaŭničym vahončykam kala lasnoha masivu prykładna ŭ siami kiłamietrach ad pasiołka Białaručy, dzie dziaŭčynka žyła z maci, i ŭ dvuch kiłamietrach ad sadavodstva «Lasnoje‑90».
Ustanoŭlena, što śmierć dziaŭčynki nastupiła ŭ vyniku hvałtoŭnych dziejańniaŭ. I.Kuželnaja znachodziłasia ŭ vyšuku z 23 listapada 2007 hoda.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary