Novaja kredytnaja prahrama Biełarusi ź Jeŭrazijskim fondam stabilizacyi i raźvićcia (JEFSR) raźličana na dva hady. Takaja infarmacyja pryvodzicca ŭ lutaŭskim ekanamičnym ahladzie kampanii «VTB Kapitał» (inviestycyjnaje padraździaleńnie rasijskaj finansavaj hrupy VTB).
Ahlad źmiaščaje nieaficyjnuju infarmacyju adnosna terminaŭ i sum tranšaŭ, jakija moža atrymać Biełaruś u vypadku padpisańnia novych kredytnych prahram ź JEFSR i Mižnarodnym valutnym fondam (MVF).
«My razumiejem, što prahrama Biełarusi z MVF budzie ŭklučać try roŭnyja tranšy pa 1 młrd dalaraŭ kožny, u toj čas jak prahrama ź Jeŭrazijskim fondam stabilizacyi i raźvićcia składajecca ź pieršaha tranšu ŭ pamiery 1,1 młrd dalaraŭ ŭ 2016 hodzie i troch tranšaŭ u 2017 -m — na 500 młn, 300 młn i 200 młn dalaraŭ», — havorycca ŭ ahladzie.
Pavodle źviestak BiełaPAN, valutnyja abaviazacielstvy Minfina Biełarusi (u ramkach płaciažoŭ pa źniešnim dziarždoŭhu) pa miždziaržkredytach Rasii i papiarednim kredycie JEFSR składajuć u 2016 hodzie amal 1 młrd 150 młn dalaraŭ. Takim čynam, suma pieršaha tranšu jeŭrazijskaha kredytu praktyčna roŭnaja pamiery abaviazacielstvaŭ Biełarusi pierad Rasijaj i JEFSR na hety hod.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski7
Kamientary