Pra heta paviedamiła pres-aficer Savieckaha RUUS Alina Varapajeva-Łanskaja.
Svaim znajomym chłopiec raspaviadaŭ, što źjaŭlajecca indyvidualnym pradprymalnikam i aktyŭna raźvivaje biznes pa prodažy mabilnych telefonaŭ, adnak dla startu jamu nie chapaje hrošaj. Pazyčyŭšy takim čynam dobruju sumu, jon nabyŭ aŭtamabil, zatym vyhadna pierapradaŭ jaho. Paźniej małady čałaviek vyrašyŭ zaniacca «surjoznym biznesam» i staŭ zajmać bolš bujnyja sumy, pradstaŭlajučysia ludziam jak «Žora».
«Dla prezientabielnaści machlar braŭ u prakat elitnyja aŭtamabili. Pryjazdžajučy na sustrečy da budučych partnioraŭ, jon kazaŭ, što mašyny, nabytyja ŭ Rasii, abyducca ŭ niekalki razoŭ tańniej. Darečy, adzin z prakatnych aŭtamabilaŭ jon raźbiŭ», — skazała Alina Varapajeva-Łanskaja.
Układčyki, raźličvajučy na chutki prybytak, addavali ašukancu hrošy na zakupku nieisnujučaha tavaru. Apieratyŭniki vyjavili, što padazravany ašukanskim šlacham zavałodaŭ kala 1 młrd rubloŭ. Niezakonny prybytak vydatkoŭvaŭ na adpačynak za miažoj, darahija restarany i kłuby.
U dačynieńni da złamyśnika raspačata niekalki kryminalnych spraŭ za machlarstva. Na jaho rachunku było bolš za 20 epizodaŭ. Vyśviatlajecca jaho dačynieńnie da inšych faktaŭ ašukanskich dziejańniaŭ.
Milicyja prosić hramadzian, jakija paznali mužčynu na fota abo paciarpiełych ad jaho dziejańniaŭ, źviartacca ŭ Savieckaje RUUS asabista (zav. Ja.Kołasa, 3) ci pa telefonach: 8-017-292-94-52, 8-029-166-24-08.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary