Chulihan pahražaŭ fizičnaj raspravaj pasažyru minskaha mietro, paviedamiła pres-aficer Pieršamajskaha RUUS Volha Kućko. Jaho šukaje milicyja.
«Da 18-hadovaha chłopca padsieŭ małady čałaviek, jaki pačaŭ cikavicca, ci pravilnaj toj aryjentacyi. Chłopiec spytaŭ, čaho ad jaho chočuć, ale ŭ adkaz atrymaŭ pahrozy fizičnaj raspravy. Surazmoŭca praciahvaŭ pahražać, paśla čaho schapiŭ chłopca za šyju i pačaŭ łamać tak, što tamu nie stavała dychańnia, kab kryknuć. Ludzi, što znachodzilisia ŭ vahonie, nie zastupilisia za chłopca. Jon pačaŭ sam adbivacca», — raspaviała Volha Kućko
Zatym chulihan schapiŭ paciarpiełaha za kurtku i na stancyi mietro «Akademija navuk» paciahnuŭ da vychadu z vahona, kab praciahnuć «razmovu» na vulicy.
«Spałochany chłopiec paśpieŭ vyrvacca i zastaŭsia ŭ vahonie ciahnika. Dajechaŭšy da patrebnaha prypynku, jon adrazu ž patelefanavaŭ baćku. Razam z baćkam jany vyklikali milicyju. Pa hetym fakcie pravodzicca pravierka», — patłumačyła pres-aficer.
Jana taksama paviedamiła, što incydent adbyŭsia kala 01.00, u vahonie było niešmatludna.
«Kali vy bačyli ci vam znajomyja maładyja ludzi, adlustravanyja na videa, źviarniciesia ŭ Pieršamajskaje RUUS Minska pa telefonach 8 (029) 144 85 90, 8 (017) 280 02 02. Kanfidencyjalnaść harantavanaja», — dadała Volha Kućko.
Były ministr kultury Rusłan Čarniecki znajšoŭ sabie padpracoŭku9
Kamientary