U dačynieńni da byłoha hienieralnaha dyrektara AAT «Pinskvodbud» raspačataja sprava pa č. 3 art. 424 KK (złoŭžyvańnie ŭładaj ci słužbovymi paŭnamoctvami).
Jak paviedamiŭ načalnik Pinskaha mižrajonnaha adździeła UDFR KDK pa Bresckaj vobłaści Valeryj Vielaśnicki, kryminalnaja sprava raspačata Pinskim mižrajonnym adździełam Śledčaha kamiteta pa materyjałach pazapłanavaj pravierki pradpryjemstva. Jaje pravodziła finansavaja milicyja sumiesna ź Pinskim mižrajonnym Kamitetam dziaržkantrolu i Pinskaj mižrajonnaj prakuraturaj.
Pravierka vyjaviła, što ŭ 2014 hodzie hienieralny dyrektar AAT «Pinskvodbud» zaklučyŭ z kamiercyjnaj firmaj dahavor na pastaŭku dźviarnych i akonnych błokaŭ PVCH za košt biudžetnych srodkaŭ, vydzielenych pa dziaržaŭnaj prahramie pieraadoleńnia nastupstvaŭ katastrofy na Čarnobylskaj AES.
Zhodna z umovami dahavora, «Pinskvodbud» pavinien byŭ pieraličvać hrošy paetapna na praciahu paŭhoda paśla poŭnaha vykanańnia pastaŭščykom svaich abaviazacielstvaŭ. Sa studzienia pa vierasień 2015 hoda hiendyrektar pradpryjemstva, niahledziačy na toje što firma niedapastaviła pradukcyi na 234,6 młn. rubloŭ, zabiaśpiečyŭ pieraličeńnie ŭ adras hetaj firmy apłaty ŭsiaho zakazu, a taksama afarmleńnie fiktyŭnych tavarna-supravadžalnych dakumientaŭ ab pastaŭcy dźviarnych i akonnych błokaŭ u poŭnym abjomie.
U vyniku «Pinskvodbudu» byŭ naniesieny ŭron u asabliva bujnym pamiery. Niedapastaŭlenaja pradukcyja była zakuplena ŭ inšaj firmie, na što zatračana 227 młn. rubloŭ z ułasnych srodkaŭ pradpryjemstva. Takim čynam, za pradukcyju pryjšłosia płacić dvojčy.
U pačatku lutaha biahučaha hoda hiendyrektar byŭ adchileny ad pasady nahladalnym savietam AAT «Pinskvodbud».
Ciapier čytajuć
Staŭ viadomy dakładny adras, pa jakim žyvie Anžalika Mielnikava ŭ Minsku34
Staŭ viadomy dakładny adras, pa jakim žyvie Anžalika Mielnikava ŭ Minsku
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary