19 krasavika na padvorku pryvatnaha domu palityka ŭ vioscy Bieršty nieviadomyja prabili ŭsie koły čatyroch aŭtamabilaŭ, što tam stajali, a paźniej Milinkieviča zatrymali pad Horadniaj.
19 krasavika na padvorku pryvatnaha doma Alaksandra Milinkieviča ŭ vioscy Bieršty nieviadomyja prabili ŭsie koły čatyroch aŭtamabilaŭ, što tam stajali, a paźniej Milinkieviča zatrymali pad Horadniaj.
Nočču 19 krasavika na padvorku pryvatnaha doma Alaksandra Milinkieviča ŭ vioscy Bieršty nieviadomyja prabili ŭsie koły čatyroch aŭtamabilaŭ, što tam stajali, nie paškadavali i mašynu susieda.
Akramia taho, adzin z aŭtamabilaŭ, byŭ zality zialonaj farbaj.
Kali heta było vyjaŭlena, niedaloka ad mašynaŭ znachodziŭsia staršynia Navadvorskaha sielsavieta Hienadź Chviedźko.
Miascovyja žychary adznačajuć, što kala čaćviortaj unočy niedaloka ad doma Milinkieviča bačyli nieznajomyja mašyny ź nieviadomymi ludźmi, a na miescy zdareńnia zastalisia ślady biercaŭ.
Alaksandr Milinkievič nazvaŭ hetyja dziejańni «prajavaj biaśsilnaj złoby ŭłady».
Nahadajem, u čaćvier i piatnicu adbylisia sustrečy Alaksandra Milinkieviča ŭ Pinsku, dzie ŭ kołach mašyny prabili vosiem dzirak, i Słonimie, tam aŭtamabil ablili čyrvonaj farbaj.
19 krasavika paśla sustrečy ŭ Mastach lidera Ruchu «Za Svabodu» Alaksandra Milinkieviča nastojliva zaprasili ŭ Mastoŭski RUUS. Zatrymali taksama deputata Mastoŭskaha rajsavietu Źmitra Kuchleja i aktyvista Jazepa Pałubiatku.
Paśla sustrečy ŭ Mastach Milinkievič z paplečnikami nakiravaŭsia na sustreču ŭ Hrodna, adnak niedaloka ad horada ich zatrymali supracoŭniki DAI z abvinavačvańniem, što ich mašyna nibyta kradzienaja.
Supracoŭniki Mastoŭskaha RUUS i DAI stvaryli žyvy ščyt, kab nie prapuścić Milinkieviča.
Lider Ruchu «Za Svabodu» pakinuŭ Mastoŭski RUUS, bo milicyjanty nie zmahli pradjavić jamu nijakich abvinavačvańniaŭ. Adnak jak tolki jon sieŭ u aŭtamabil, supracoŭniki RUUS vystrailisia pierad im «žyvym ščytom». Pa ich słovach, u ich jość zahad nikudy nie vypuskać palityka.
Miž tym na 16.30 była zapłanavana sustreča ŭ Hrodnie.
U RUUS Hrodzienskaha rajona, kudy advieźli Alaksandra Milinkieviča i pasažyraŭ mašyny, ich dapytali pa kryminalnaj spravie pa fakcie kradziažu załatych vyrabaŭ i ružža 20 lutaha ŭ vioscy Karobčycy Hrodzienskaha rajona.
Paśla raźbiralnictva lidera Ruchu «Za Svabodu» i jaho paplečnikaŭ adpuścili, ale sustreča była sarvanaja.
-
U Varšavie zamiežnikaŭ praviarali «patrulnyja» ŭ formie, jakija nie majuć dačynieńnia da dziaržaŭnych orhanaŭ
-
Biełaruska znajšła italjanskuju siamju, jakaja pryniała jaje paśla Čarnobyla. Jana dumała, što italjancy jaje kinuli
-
21‑hadovaha chłopca sa Śvietłahorska pasadzili za palityku. Chłopiec žyŭ u dzietdomie, a niadaŭna sam staŭ baćkam
Kamientary