Doŭbašy, jakich praviarajuć na datyčnaść da teraktaŭ u Bruseli, rodam z Homielščyny, pierajechali ŭ Bielhiju ŭ 2007 h.
Braty Doŭbašy i Marat Junusaŭ, jakich praviarajuć na dačynieńnie da teraktaŭ u Bruseli, rodam z Homielskaj vobłaści i ŭžo niekalki hadoŭ žyvuć u Jeŭropie. Pra heta TUT.BY paviedamiła krynica, blizkaja da temy.
Marat Junusaŭ atrymaŭ hramadzianstva Bielhii ŭ 2008 hodzie. Alaksiej Doŭbaš i jaho małodšy brat Ivan žyli ŭ Bielhii z 2007 hoda. Usie jany pryniali isłam.
Braty pierajechali ŭ Jeŭropu z maci, kali byli jašče dziećmi. Paśla razvodu jana vyjšła zamuž za bielhijca i zabrała z saboj u Brusel synoŭ. Ich baćka pa-raniejšamu žyvie na Homielščynie. Paśla adjezdu, raspaviadajuć svajaki, u Biełaruś pryjazdžaŭ tolki starejšy brat Alaksiej — prykładna try hady tamu.
— Na toj momant jon užo pryniaŭ isłam, nasiŭ baradu, — kaža svajak. — Nie razumieju, čamu jon pryniaŭ takoje rašeńnie. U siamji ŭsie pravasłaŭnyja. Jon vielmi vysoki chłopiec, zajmaŭsia boksam, udzielničaŭ u spabornictvach. Pakul byŭ u Biełarusi, krychu pažyŭ u baćki, astatni čas pravioŭ u babuli. Nie viedaju, ci jość u jaho jašče znajomyja ŭ Biełarusi.
Jość dadzienyja, što braty Doŭbašy apošni čas byli nie ŭ Bielhii — viarnulisia ŭ krainu ŭ lutym 2016 hoda.
— Braty Doŭbašy i Marat Junusaŭ viadomyja Kamitetu dziaržaŭnaj biaśpieki Biełarusi, — paviedamiŭ kiraŭnik pres-słužby KDB Biełarusi Dźmitryj Pabiaržyn. Jon zaŭvažyŭ, što pravodzicca pravierka infarmacyi ab mahčymaj ich datyčnaści da terarystyčnaj dziejnaści.
Jašče tydzień tamu rasijskija ŚMI papiaredžvali, što braty Doŭbašy i Marat Junusaŭ ź Biełarusi mohuć być datyčnyja da padrychtoŭki teraktaŭ u Bielhii.
Jak paviedamlajecca, 27-hadovy Alaksiej Doŭbaš pieršym pryniaŭ isłam i pačaŭ kantaktavać z radykałami. Pad upłyvam starejšaha da ich dałučyŭsia 23-hadovy Ivan. Pa dadzienych rasijskich śpiecsłužbaŭ, braty Doŭbašy adpravilisia ŭ łahier terarystaŭ u Siryi, tam prajšli bajavuju padrychtoŭku, paśla čaho vyjechali na terytoryju Jeŭrasajuza.
Nahadajem, što ranicaj 22 sakavika ŭ aeraporcie Brusela adbylisia dva vybuchi, zatym vybuchi prahrymieli ŭ mietro. Uzrovień terarystyčnaj pahrozy uźniaty da maksimalnaha.
-
Na Biełastoččynie prajšoŭ fiestyval biełaruskaj tradycyi Soncahraj FOTY
-
Žonka Alaksandra Milinkieviča raskazała pra jahony stan: pamiać zachavałasia, ale z ruchalnym aparatam vialikija prablemy
-
«Ja ŭ kałonii byŭ bolš volny». Były palitviazień Tamaz Pipija raskazaŭ pra 6 hadoŭ za kratami i novuju paranaidalnuju biełaruskuju realnaść
Kamientary