U pačatku nastupnaha tydnia ŭ Biełarusi paciapleje, paviedamiła hałoŭny sinoptyk Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Śviatłana Rybakova.
«Sakavik słavicca kapryznym noravam, i viasna, jakaja ŭziała chutki start u pačatku miesiaca, zbaviła temp. Kali ŭ pieršaj pałovie miesiaca siaredniasutačnaja tempieratura na 3—8 hradusaŭ pieravyšała klimatyčnuju normu, to ŭ siaredzinie jana vahałasia kala normy. A ŭ minułyja vychodnyja ŭstalavaŭsia bolš zimovy charaktar nadvorja — apadki byli ŭ asnoŭnym u vyhladzie śniehu, tempieraturny fon byŭ na 1—3 hradusy nižej za siarednija šmathadovyja značeńni. Ale chutka viasna voźmie revanš, i ŭžo ŭ hetyja vychadnyja ŭ paŭdniova-zachodnich rajonach, a kanca miesiaca paŭsiudna paciapleje», — patłumačyła sinoptyk.
U piatnicu ŭmovy nadvorja na terytoryi Biełarusi budzie vyznačać vobłaść pavyšanaha atmaśfiernaha cisku, pa paŭdniovym uschodzie krainy adabjecca ŭpłyŭ frantalnaha padziełu. Čakajecca vobłačnaje z prajaśnieńniami nadvorje, pieravažna biez apadkaŭ, tolki miescami pa paŭdniovym uschodzie projdzie nievialiki śnieh. Nočču i ranicaj u asobnych rajonach čakajecca słaby tuman, na darohach hałalodzica. Tempieratura pavietra ŭnačy składzie 1—7 marozu, pry prajaśnieńniach da 8—12 hradusaŭ nižej za nul. Dniom budzie 1—6 ciapła, u paŭdniova-zachodnich rajonach — da plus 8 hradusaŭ.
U subotu ŭnačy nadvorje jašče budzie vyznačać vobłaść pavyšanaha cisku, tak što budzie biez apadkaŭ, u asobnych rajonach čakajecca tuman, słaby hałalod, na darohach hałalodzica.
Tempieratura pavietra da ranicy panizicca da 2—9 hradusaŭ, pry prajaśnieńniach da 10—13 marozu.
Dniom terytoryja krainy apyniecca pad upłyvam małaaktyŭny frantalnaha padziełu, jaki źmiaščajecca z Zachodniaj Jeŭropy, miescami projduć karotkačasovyja apadki (mokry śnieh, doždž). Tempieratura pavietra ŭ dzionnyja hadziny składzie ad nula da 7 ciapła, pa paŭdniovym zachadzie pavietra prahrejecca da 8—10 hradusaŭ.
Nočču ŭ niadzielu pad upłyvam atmaśfiernaha frontu ŭ asobnych rajonach nie abydziecca biez karotkačasovych apadkaŭ (mokry śnieh, doždž), miescami mahčymy tuman, słaby hałalod, na darohach zachavajecca hałalodzica. Dniom budzie pieravažna biez apadkaŭ.
Tempieratura pavietra ŭnačy składzie ad minus 6 da plus 1, pry prajaśnieńniach jana moža miescami panizicca da 7—10 marozu, udzień čakajecca ad nula da plus 7, pa paŭdniovym zachadzie da 8-11 ciapła.
U pačatku nastupnaha tydnia na terytoryju krainy pačnie pastupać bolš ciopłaje pavietra z Zachodniaj Jeŭropy.
U paniadziełak i aŭtorak u asobnych rajonach projduć karotkačasovyja apadki. Nočču i ranicaj miescami tuman, słaby hałalod, na darohach hałalodzica. Tempieratura pavietra ŭnačy składzie ad minus 5 da plus 2, dniom budzie 1—8 hradusaŭ ciapła, pa paŭdniovym zachadzie — 9—12 vyšej za nul.
U sieradu, 30 sakavika, pad upłyvam frantalnaha raździełu nočču miescami, a dniom na bolšaj častcy terytoryi čakajucca karotkačasovyja apadki. Tempieratura pavietra ŭnačy składzie ad minus 3 da plus 4, dniom budzie 4—10 ciapła, pa paŭdniovym zachadzie da plus 13.
Kamientary