DAI: Atrymać dopusk da ekzamienu na pravy katehoryi «B» možna biez navučańnia ŭ aŭtaškole
Dopusk da zdačy ekzamienaŭ na prava kiravańnia transpartnym srodkam katehoryi «V» u paradku samapadrychtoŭki mahčymy paśla papiaredniaj pravierki ekzamienacyjnym padraździaleńniem DAI viedaŭ PDR i navykaŭ kiravańnia.
Pra heta raspavioŭ načalnik mižrajonnaha ekzamienacyjnaha adździeła DAI HUUS Minharvykankama Jaŭhien Jaskaviec.
Adnak heta bolš tyčycca žycharoŭ nievialikich nasielenych punktaŭ, dzie ŭ siłu peŭnych abstavinaŭ čałaviek nie maje mahčymaści naviedvać zaniatki ŭ navučalnych arhanizacyjach, a atrymać pravy kiroŭcy nieabchodna.
«Dla Minska heta pytańnie hučyć nie tak aktualna, jak dla viaskoŭcaŭ abo žycharoŭ małych haradoŭ, — adznačyŭ Jaskaviec. -Ale kali takija piśmovyja zvaroty da nas pastupajuć, my ich razhladajem. U 2015 hodzie da nas pastupiła ad minčan kala piaci takich zajaŭ. I ni adzin z tych, chto źviarnuŭsia, nie zmoh prajści papiaredniuju pravierku viedaŭ PDR, nie kažučy ŭžo pra praktyčny ekzamien. Usim było rekamiendavana prajści navučańnie ŭ aŭtaškole, a paśla ŭžo prychodzić u DAI zdavać na pravy».
Ciapier čytajuć
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury4
Kamientary