Moładzievaja manifiestacyja ŭ Paryžy suprać prajektu reformy pracoŭnaha kodeksa ŭ Francyi skončyłasia biesparadkami. Jak pieradajuć francuzskija ŚMI, udzielniki demanstracyi spalili pa mienšaj miery dva aŭtamabili. Palicyja zatrymała kala 20 čałaviek.
U chodzie sutyknieńniaŭ z manifiestantami traŭmy atrymali niekalki supracoŭnikaŭ pravaachoŭnych orhanaŭ.
Akcyi pratestu prachodziać užo ŭ treci raz z pačatku miesiaca. U pačatku sakavika ŭ Francyi navat byŭ arhanizavany ŭsieahulny strajk, padčas jakoha ŭ mnohich haradach krainy na vulicy vyjšli 500 tysiač čałaviek. Adnak tady nijakich surjoznych zdareńniaŭ zafiksavana nie było.
Francuzskaja moładź, padtrymanaja ŭsimi klučavymi prafsajuzami krainy, vystupaje suprać prajektu reformy libieralizacyi rynku pracy. Pieršapačatkova raspracavany kiraŭnikom minpracy Miryjam El-Chamry zakonaprajekt nakiravany na baraćbu ź biespracoŭjem.
U im praduhledžanaja mahčymaść dla pracadaŭcaŭ pavialičvać pracoŭny čas supracoŭnikaŭ (až da 60 hadzin u tydzień) i skaračać dapłaty za pierapracoŭku. U vypadku ŭchvały reforma praduhledžvaje značnuju libieralizacyju i spraščeńnie pracesu najmu na pracu, ale nie tolki — sprościcca i pracedura zvalnieńnia rabotnikaŭ.
«My nie možam pryniać ni adzin z punktaŭ prapanavanaj reformy. Dla nas heta vidavočna, — zajaviŭ lidar adnaho ź viadučych francuzskich prafsajuzaŭ «Pracoŭnaja siła» Žan-Kłod Mai. — My naohuł vielmi ździŭlenyja, što padobnaja inicyjatyva — libieralizacyja rynku pracy — zychodzić ad palitykaŭ levaha tołku, asabliva Sacpartyi, jakaja tradycyjna adstojvaje naŭprost supraćlehłyja pryncypy».
Jašče ŭ 2012 hodzie prezident Aland abiacaŭ pavysić zaniataść u Francyi, adnak dziejańni ŭrada da značnych zruchaŭ za hetyja hady tak i nie pryviali. Naadvarot, pry sacyjalistach biespracoŭje ŭ Francyi navat vyrasła, pieravysiŭšy psichałahičny barjer u 10%.
Nastupnaja maštabnaja akcyja pratestu ŭ Francyi čakajecca 31 sakavika.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1818
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?18
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary