Užo treci bank uvodzić płatu za pryjom rasijskich rubloŭ ad zamiežnikaŭ
BNB-Bank uvodzić 5%-ju kamisiju za pryjom najaŭnych rasijskich rubloŭ ad nierezidentaŭ.
Jašče adna biełaruskaja finansavaja ŭstanova abmiežavała apieracyi z najaŭnaj rasijskaj valutaj dla zamiežnikaŭ. BNB-Bank zajaviŭ pra ŭviadzieńnie płaty ŭ pamiery 5% za pryjom najaŭnych rasijskich rubloŭ dla zaličeńnia na rachunki nierezidentaŭ.
Novyja praviły buduć uvodzicca ŭ dva etapy:
- z 20 červienia kamisija pačnie spahaniacca pry zaličeńni srodkaŭ na rachunki, adkrytyja pačynajučy z hetaj daty;
- z 18 lipienia taryf stanie abaviazkovy i dla tych rachunkaŭ, jakija byli adkrytyja da 20 červienia.
BNB-Bank staŭ užo trecim bujnym bankam krainy, jaki pajšoŭ na taki krok. Raniej pra ŭviadzieńnie anałahičnaj 5%-j kamisii papiaredzili Alfa-Bank (tam źmieny nabuduć moc 14 lipienia) i MTBank (uvodzić kamisiju paetapna z 19 červienia i 20 lipienia).
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary