Śviatary, jakija čytali «Mahutny Boža», kab vyjhrać knihi, atrymali ich jašče da zakančeńnia konkursu
U kancy lutaha kliryki Haradzienskaj jeparchii pryniali udzieł u konkursie partała TUT.BY, kab atrymać 30 knih biełaruskich aŭtaraŭ, jakija jany paabiacali pieradać parafijalnaj biblijatecy.
Pabačyŭšy konkursnaje videa, Sajuz biełaruskich piśmieńnikaŭ vyrašyŭ padaryć litaraturu dla biblijateki Pakroŭskaha sabora pa-za miežami konkursa.
25 sakavika u aktavaj zale kafiedralnaha sabora adbyłasia litaraturnaja viečaryna, pryśviečanaja 70-hodździu Sajuza ŭ Hrodnie. U čas imprezy pamočnik staršyni Sajuza biełaruskich piśmieńnikaŭ Usievaład Ścieburaka pieradaŭ dla biblijateki knihi na biełaruskaj movie.
«Niadaŭna ŭ siecivie źjaviłasia videa, na jakim haradzienskija śviatary čytajuć vierš «Mahutny Boža». U karotki čas jano razyšłosia pa prastory interneta. Kaniečnie, my taksama jaho bačyli, i jaho nam vielmi spadabałasia. My vyrašyli pieradać ad Sajuza šerah knih, niehledziačy na toje, pieramoža hety rolik u konkursie ci nie», - skazaŭ Usievaład.
Dziakujučy inicyjatyvie SBP fondy parafijalnaj biblijateki papoŭnilisia tvorami Vasila Bykava, Niła Hileviča, Jurasia Załoski, Alesia Paškieviča, Darji Vaškievič, časopisami «Dziejasłoŭ» i dziciačym časopisam «Harbuzik». «Kali kazać ščyra, my nie nadta raźličvali navat na pieramohu ŭ konkursie, a tym bolš na ŭvahu da našaha videa pa-za jaho miežami. Tamu ŭdvaja pryjemna, što tak atrymałasia. Spadziajusia, atrymanyja knihi buduć karystacca popytam u našych parafijan», – adkazaŭ adzin z aŭtaraŭ rolika dyjakan Dźmitry Paŭlukievič.
Kamientary