Haradzienskija śviatary čytajuć vierš pa-biełarusku, kab vyjhrać knihi dla carkoŭnaj biblijateki VIDEA
Da Dnia rodnaj movy partał TUT.BY abviaściŭ konkurs, u jakim treba było pračytać vierš na biełaruskaj movie, za što pieramožcu abiacali 30 knih biełaruskaj kłasiki ad vydaviectva «Papury». Haradzienskija śviatary padumali, što budzie vydatna mieć knihi ŭ parafijalnaj biblijatecy, kab pravasłaŭnyja vierniki mahli ich čytać. Jany zrabili svajo videa i ŭ zajaŭcy paabiacali ŭ vypadku pieramohi pieradać pryz biblijatecy kafiedralnaha sabora.
«Vierš, možna skazać, nie vybirali. «Mahutny Boža» Natalli Arsieńnievaj u nas viedaje na pamiać kožny kliryk. Asabliva tyja, chto śpiavaje ŭ chory. Da vierša Ravienski napisaŭ muzyku, tvor uvachodzić u repiertuar choru. Im užo nie pieršy hod adkryvajuć fiestyval «Kałožski błahaviest». Nam zdałosia, što ŭ našych vusnach najbolš arhanična budzie hladziecca mienavita vierš-malitva», — raspavioŭ dyjakan Dźmitryj Paŭlukievič.
Ź miescam śviatary taksama vyznačylisia chutka.
«Dzie ž jašče malicca i čytać pra Biełaruś, jak nie la Kałožy — najstaražytniejšaha chramu našaj Radzimy», — kaža dyjakan Dźmitryj.
Dzmitryju Paŭlukieviču dapamahli svaimi hałasami dyjakan Alaksandr Kałacki, śviatar Viktar Kałacki i panamar Antoś Fiedasiejeŭ.
Zdymaŭ rolik režysior Alaksandr Haniec, zasnavalnik haradzienskaj kinastudyi «Akropalis».
«Heta tolki pačatak cykłu ekranizavanych vieršavańniaŭ. My nie vahajučysia ŭzialisia za taki prajekt. Jość zaduma z dapamohaj simbijozu dvuch mastactvaŭ, litaratury i kino, razvarušyć sučasnaha razbeščanaha hledača i vyklikać u im emocyju zamiłavańnia ad ŭbačanaha. Vyklikać pačućcio honaru za toje, što žychary našaj krainy majuć nieŭmiručy skarb u vyhladzie rodnaj litaratury. Tolki pry takoj umovie atrymajecca papularyzavać biełaruskuju movu i litaraturu, a taksama zacikavić žychara Biełarusi lubić svaju krainu», — padzialiŭsia dumkami Alaksandr.
U sakaviku TUT.BY abvieścić pieramožcaŭ konkursu.
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary