«Biełavija» pavialičvaje kolkaść rejsaŭ ź Minska ŭ Kijeŭ i Adesu, paviedamili ŭ pres-słužbie avijakampanii.
«Piataja štodzionnaja častata pa maršrucie Minsk — Kijeŭ — Minsk i try novyja častaty ŭ tydzień sa stalicy Biełarusi ŭ Adesu dazvolać bolš kamfortna padarožničać z dadzienych haradoŭ Ukrainy ŭ 47 punktaŭ Jeŭropy i krain SND praz Nacyjanalny aeraport Minsk, a taksama zadavolić turystyčny popyt u pieryjad adpačynkaŭ», — rastłumačyli śpiecyjalisty.
Raniej samaloty «Biełavija» ź Minska ŭ Kijeŭ lotali dvojčy ŭ dzień na aeraport Baryspal i dvojčy ŭ Mižnarodny aeraport Kijeŭ (Žulany). Z 25 krasavika pa 29 kastryčnika 2016 hoda budzie vykonvacca treciaja častata ŭ Mižnarodny aeraport Kijeŭ (Žulany). Takim čynam, va ŭkrainskuju stalicu «Biełavija» budzie lotać 5 razoŭ štodnia.
Dadatkovy rejs budzie štodzionnym z vyletam ź Minska ŭ 14.15, z Kijeva (Žulany) — u 17.15 pa miascovym časie. Čas u šlachu składzie 1 hadzinu. «Uviadzieńnie dadatkovych častot źviazana ŭ pieršuju čarhu ź siezonnaściu. Tak, z 27 sakavika dziejničaje letni raskład, što aznačaje pačatak vysokaha siezonu i pavyšeńnie popytu z boku adpačyvalnikaŭ», — pracytavali ŭ pres-słužbie hienieralnaha dyrektara AAT «Avijakampanija «Biełavija» Anatola Husarava.
Dadatkovy rejs ź Minska ŭ Adesu biełaruski avijapieravozčyk maje namier vykonvać z 17 červienia. Vykonvacca jon, jak zapłanavana, budzie trojčy ŭ tydzień na samalotach Boeing 737-300 u dvuchkłassnoj kampanoŭcy. Dadatkovyja rejsy buduć vylatać ź Minska pa paniadziełkach, sieradach i piatnicach u 00.20, a prylatać u Adesu ŭ 01.40. Zvarotnyja rejsy buduć adpraŭlacca z Adesy ŭ 03.30, a prybyvać u Minsk u 04.55.
Ciapier čytajuć
Paśla ŭltymatumu Zialenskaha retranślatary adklučyli? Apošnija dni rasijskija bieśpiłotniki nie nakiroŭvajucca ŭzdoŭž biełaruska-ŭkrainskaj miažy11
Kamientary