Situacyja, źviazanaja z daŭhami kampanij, jakija naležać biznesmienu Juryju Aviarjanavu, nabiraje abaroty. Na minułym tydni Ekanamičny sud h. Minska pryniaŭ zajavu «Banka VTB (Biełaruś)» ab bankructvie kampanii «Rostem», asnoŭnym uładalnikam jakoj źjaŭlajecca Aviarjanaŭ. Vyhladaje, što padobnaja dola napatkaje i inšy klučavy aktyŭ biznesmiena — ZAT «Handlovy śviet — «Kalco», jaki abjadnoŭvaje aŭtamabilny i budaŭničy rynki i handlovyja centry ŭ staličnym mikrarajonie Malinaŭka.
Pa infarmacyi TUT.BY, adnym z najbujniejšych kredytoraŭ kampanii, jakaja naležyć Aviarjanavu — TAA «Viersa M» (Rasijskaja Fiederacyja) — padadziena zajava ab bankructvie ZAT «Handlovy śviet — «Kalco». Razhlad zajavy i rašeńnie pytańnia ab jaho pryniaćci adbudziecca 7 krasavika.
«Sapraŭdy, pytańnie ab pryniaćci zajavy da vytvorčaści i pačatku spravy ab bankructvie ZAT «Handlovy śviet — «Kalco» budzie razhladacca Ekanamičnym sudom Minskaj vobłaści 7 krasavika, — rastłumačyŭ pradstaŭnik kredytora, advakat jurydyčnaj firmy REVERA Andrej Tałočka. — Pazyki arhanizacyi ŭ cełym aceńvajucca ŭ dziesiatki miljonaŭ dalaraŭ».
U dadatak da «Viersa M», siarod bujnych kredytoraŭ «Handlovy śviet — «Kalco» taksama značacca dva bujnyja biełaruskija banki. Pavodle najaŭnaj infarmacyi, imi źjaŭlajucca «Biełahraprambank» i «BPS-Śbierbank». U kampanii taksama majecca istotnaja zapazyčanaść i pierad inśpiekcyjaj Ministerstva pa padatkach i zborach Respubliki Biełaruś pa Minskim rajonie. Jak i «Rostem», «Handlovy śviet — «Kalco» doŭhi čas znachodzicca ŭ śpisach arhanizacyj, jakija dapuścili zapazyčanaść pa płaciažach u biudžet.
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska1
Kamientary