Marzaluk pytaŭsia Vakulčyka, ci buduć stvarać čorny śpis vykładčykaŭ, jakija pravodziać «ideałahičnuju apracoŭku ekstremisckaj skiravanaści»
«Na hety momant farmiravańniaŭ ekstremisckaj skiravanaści ŭ Biełarusi nie vyjaŭlena», — zajaviŭ 4 krasavika ŭ Saviecie Respubliki Nacyjanalnaha schodu staršynia KDB Valeryj Vakulčyk, adkazvajučy na pytańni parłamientaryjaŭ u pracesie abmierkavańnia zakonaprajekta, u tym liku jaki ŭstanaŭlivaje kryminalnuju adkaznaść za ekstremisckuju dziejnaść.
«Razam z tym była vyjaŭlenaja i papiaredžanaja dziejnaść padobnych struktur, jakija majuć u svajoj dziejnaści prykmiety ekstremisckich farmavańniaŭ», — adznačyŭ kiraŭnik KDB.
U jakaści prykładu jon pryvioŭ zatrymańnie i pryciahnieńnie da kryminalnaj adkaznaści ŭ 2010—2012 hadach členaŭ anarchisckaj hrupoŭki, jakija vykarystoŭvali «kaktejli Mołatava», pryciahnieńnie da administracyjnaj adkaznaści zasnavalnikaŭ radykalnaj hrupoŭki, što raspaŭsiudžvała prafašysckija pohlady ŭ internecie. «Členy hrupoŭki mieli suviazi z ukrainskimi adnadumcami — udzielnikami Majdanu», — adznačyŭ Vakulčyk.
Jon taksama skazaŭ ab «pryniaćci papieradžalna-prafiłaktyčnych mier u dačynieńni da hrupoŭki musulman», jakija raspaŭsiudžvali radykalnyja relihijnyja pohlady i zaklikali da džychadu. Da administracyjnaj adkaznaści pryciahnutyja piać hramadzian Biełarusi, adnamu vyniesienaje aficyjnaje papiaredžańnie, siem zamiežnych hramadzian departavanyja z krainy.
Pry abmierkavańni zakonaprajekta sienatar Ihar Marzaluk zapytaŭ u staršyni KDB, ci mahčymaje ŭ pierśpiektyvie «stvareńnie banka źviestak hramadzian našaj krainy, u pieršuju čarhu intelektualnaj elity, jakija, karystajučysia tym, što źjaŭlajucca vykładčykami vyšejšaj škoły, pracujučy z moładździu», pravodziać «ideałahičnuju apracoŭku ekstremisckaj skiravanaści»? I ci mahčymaja zabarona na prafiesiju dla takich asob?
«U nas niama takich prykładaŭ, kab niechta z vykładčykaŭ vyšejšaj škoły zajmaŭsia takoj dziejnaściu», — zapeŭniŭ Vakulčyk.
-
Fatohraf z Kalinkavičaŭ zasudziŭ Maskoŭski zaapark, jaki vykarystaŭ biez dazvołu jaho fota norki
-
«Heta jaho paduška biaśpieki». Na trasie pad Minskam zaŭvažyli niezvyčajny sposab pieravozki šyn
-
Łukašenka ŭviazaŭ vyzvaleńnie palitviaźniaŭ z adkryćciom amierykanskaha pasolstva i finansavymi pytańniami
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary