Pa vynikach sakavika 2016 hoda zołatavalutnyja reziervy Respubliki Biełaruś u vyznačeńni SSRD MVF pavialičylisia na 80,4 młn. dalaraŭ ZŠA i, pavodle papiarednich źviestak, na 1 krasavika 2016 h. skłali 4 191,4 młn. dalaraŭ ZŠA ŭ ekvivalencie, paviedamlaje pres-słužba Nacbanka.
U nacyjanalnym vyznačeńni abjom zołatavalutnych reziervaŭ pavialičyŭsia na 131,2 młn. dalaraŭ ZŠA i na 1 krasavika 2016 h. skłaŭ 4 506,4 młn. dalaraŭ ZŠA ŭ ekvivalencie.
U sakaviku 2016 hoda Uradam i Nacyjanalnym bankam Respubliki Biełaruś byli pahašany ŭ poŭnym abjomie źniešnija i ŭnutranyja abaviazacielstvy ŭ zamiežnaj valucie.
Padtrymańniu zołatavalutnych reziervaŭ spryjała pastupleńnie pieršaha tranšu finansavaha kredytu Jeŭrazijskaha fondu stabilizacyi i raźvićcia, srodkaŭ ad prodažu Nacyjanalnym bankam i Ministerstvam finansaŭ Respubliki Biełaruś ablihacyj, naminiravanych u zamiežnaj valucie, kupla Nacyjanalnym bankam zamiežnaj valuty na tarhach AAT «Biełaruskaja valutna-fondavaja birža», a taksama pastupleńni ad spahnańnia ekspartnych pošlin na naftu i naftapradukty, adznačajecca ŭ paviedamleńni.
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary