Hurt «J:mors» pradstaviŭ u internecie videakancert «Vozduch 360° Live», źniaty ŭ farmacie panaramnaha videa – hladač moža samastojna źmianiać napramak ahladu ŭ luby bok u režymie realnaha času.
«Vozduch 360° Live» źjaŭlajecca videaviersijaj anšłahavaj kancertnaj prezientacyi novaha alboma «Vozduch», jakuju stvaryła tvorčaja supołka Ideas Studio. Heta pieršy ŭ Biełarusi aficyjny muzyčny reliz vialikaj praciahłaści ŭ takim farmacie.
Kancert možna biaspłatna hladzieć na YouTube biez dadatkovych prystasavańniaŭ. Možna jaho i prosta słuchać. Ale jość i prasunuty varyjant – pry prahladzie na telefonie z dapamohaj admysłovych akularaŭ – Google Cardboard (i ich anałahaŭ) možna pasprabavać efiekt virtualnaj realnaści. Nabyć akulary, azdoblenyja admysłova pad hety reliz, možna na sajcie OZ.by.
– Nam padabajecca ekśpierymientavać z roznymi techničnymi štukami. Dla mianie najbolš cikavy momant prajekta ŭ tym, što ŭpieršyniu kožny hladač zdoleje pabyvać z nami ŭ roznych kutkach sceny, pastajać pobač z kožnym udzielnikam hurta, pahladzieć va ŭsie baki jaho vačyma. Pryčym u akularach atrymlivajecca amal poŭny efiekt prysutnaści, – raspavioŭ lidar hurta Uładzimir Puhač.
Tym časam 19 krasavika ŭ PK Prafsajuzaŭ u Minsku hurt «J:mors» prezientuje prahramu «Pieśni dla Džuljetty. Akustika». Kvitki ad 350 da 550 tys. rub. Infalinija i dastaŭka (biez nacenki): (029) 851 77 06, (044) 551 77 06.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary