Upraŭleńniem Śledčaha kamiteta pa Minsku rasśledujecca kryminalnaja sprava ŭ dačynieńni da žychara h. Orša, 1987 hoda naradžeńnia, jaki padazrajecca ŭ ździajśnieńni ašukanskich dziejańniaŭ.
U pravaachoŭnyja orhany źviarnulisia hramadzianie i paviedamili, što ŭ čarzie ŭ punktach abmienu valut małady čałaviek prapanoŭvaŭ zekanomić čas i abmianiać hrošy pa bolš vyhadnym kursie.
Pry raźliku jon pieradavaŭ hrošy ŭ ruki surazmoŭcy, dajučy pierakanacca, što tut usia abumoŭlenaja suma. Zatym zabiraŭ hrošy, abiacajučy dadać «pracenty źvierchu» i viartaŭ. Paźniej hramadzianie vyjaŭlali, što ich padmanuli i srodkaŭ značna mienš.
Pa paviedamlenych paciarpiełymi prykmietach padazravany byŭ zatrymany supracoŭnikami kryminalnaha vyšuku. Pry hetym atrymany źviestki pra vykarystańnie im roznych hałaŭnych uboraŭ i akularaŭ dla ciažkaści paznavańnia. Hetaja infarmacyja praviarajecca.
Supraćpraŭnyja dziejańni, pra jakija viadoma pravaachoŭnym orhanam, mieli miesca ŭ staličnym univiersamie «Pieršamajski» i na terytoryi rynkavaha kompleksu «Ždanovičy».
Śledčyja miarkujuć, što takich faktaŭ moža być značna bolš, a hieahrafija ździajśnieńnia anałahičnych złačynstvaŭ nie abmiažoŭvajecca terytoryjaj stalicy i zakranaje inšyja rehijony. Ustaloŭvajecca taksama mahčymaje dačynieńnie padazravanaha da inšych procipraŭnych dziejańniaŭ
USK pa h.Minsku źviartajecca da hramadzian, jakija paciarpieli ad dziejańniaŭ mužčyny, adlustravanaha na fota, ci majuć inšuju karysnuju dla rasśledavańnia infarmacyju, z prośbaj paviedamić pra heta pa nastupnych telefonach: (017) 285-73-79, (017) 288-76 -02, (017) 395-75-67, (044) 500-31-11.
Kamientary