Papa Francišak zaklikaŭ malicca za ziemlarobaŭ, «kab jany atrymlivali naležnuju ŭznaharodu za svaju pracu»
«Kab ziemlaroby atrymlivali naležnuju ŭznaharodu za svaju kaštoŭnuju pracu» — hetak hučyć adna z malitoŭnych intencyj, jakuju vyznačyŭ papa Francišak na krasavik 2016 hoda.
Druhaja intencyja — «Kab chryścijanie ŭ Afrycy davali śviedčańnie lubovi i viery ŭ Jezusa Chrysta padčas palityčna-relihijnych kanfliktaŭ».
Tradycyjna kožny miesiac Papa abviaščaje dźvie malitoŭnyja intencyi — ahulnuju i misijnuju. Jany achoplivajuć samyja aktualnyja pytańni, ź jakimi sutykajecca Kaścioł i čałaviectva.
Ziemlaroby — ludzi, jakija kormiać ceły śviet, — sutykajucca ź niespraviadlivym staŭleńniem u mnohich častkach śvietu. Apošnim časam hetaja prablema stała vostraj i ŭ našym krai, dzie kałhasy pa niekalki miesiacaŭ nie płociać zarobki.
«Ja dziakuju tabie, drobny ziemlarob. Toje, što ty robiš, vielmi važna dla ŭsiaho čałaviectva. Jak čałaviek, dzicia Božaje, ty zasłuhoŭvaješ hodnaha žyćcia. Ale ja pytajusia ŭ siabie: jak uznaharodžvajecca tvaja praca?» — skazaŭ papa Francišak u admysłovym videazvarocie.
«Ja chacieŭ by, kab vy padumali nad hetym i dałučylisia da maich malitvaŭ u intencyi: kab drobnyja ziemlaroby atrymlivali adekvatnaje ŭznaharodžańnie za svaju kaštoŭnuju pracu», — dadaŭ papa Francišak.
Ciapier čytajuć
Staŭ viadomy dakładny adras, pa jakim žyvie Anžalika Mielnikava ŭ Minsku24
Staŭ viadomy dakładny adras, pa jakim žyvie Anžalika Mielnikava ŭ Minsku
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary