Aranžavy ŭzrovień niebiaśpieki abjaŭleny siońnia ŭ Biełarusi z-za škvalistaha ŭzmacnieńnia vietru, paviedamili ŭ Respublikanskim centry pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody.
«Siońnia, 25 krasavika, u pieryjad z 16-j da 22-j hadziny pa ŭschodzie Biełarusi čakajucca navalnicy, pry navalnicach miescami mahčyma škvalistaje ŭzmacnieńnie vietru paryvami da 15-20 m/s», — rastłumačyli ŭ Hidramiecie.
U aŭtorak, 26 krasavika, u asobnych rajonach Biełarusi čakajucca mocnyja daždžy. Budzie vobłačna. Na bolšaj častcy terytoryi krainy projduć daždžy, nočču i ranicaj miescami — z mokrym śnieham. Pa ŭschodzie ŭ asobnych rajonach čakajucca mocnyja daždžy. Viecier prahnazujecca paŭnočny, dniom ź pierachodam na zachodni 5-10 m/s, miescami paryvy da 14 m/s.
Tempieratura pavietra ŭnačy składzie ad plus 1 pa zachadzie da plus 10 pa ŭschodzie, dniom budzie 6-12 hradusaŭ vyšej za nul, pa ŭschodzie da plus 14.
Kamientary