Prezident RF Uładzimir Pucin ličyć, što nielha nazyvać prapahandaj infarmacyju, kali jana kamuści nie padabajecca.
Pra heta Pucin skazaŭ u chodzie naviedvańnia dziaržaŭnaha infarmacyjnaha ahienctva «Rośsija siehodnia» u suviazi ź jaho 75-hodździem. Supravadžali Pucina hiendyrektar ahienctva Dźmitryj Kisialoŭ i hałoŭny redaktar Marharyta Simańjan.
«Važna dla pradstaŭnikoŭ ułady va ŭsich krainach śvietu zabiaśpiečyć svabodu raspaŭsiudu infarmacyi», — skazaŭ Pucin.
«Nie moža być situacyi, što kali niejkim uładam niejkaja infarmacyja padabajecca, jaje varta abaraniać i kazać pra svabodu raspaŭsiudu infarmacyi, pra svabodzu presy, a kali niešta nie padabajecca — tut ža abzyvać hetuju infarmacyju prapahandaj kaho b tam ni było, jakaja absłuhoŭvaje niejkija palityčnyja hrupy abo intaresy kankretnych dziaržaŭ. Infarmacyja pavinna być abjektyŭnaj z usich punktaŭ hledžańnia i nie padviarhacca nijakim represiŭnym dziejańniam z metaj jaje karekciroŭki», — upeŭnieny prezident RF.
Pucin daručyŭ «Rośsii siehodnia», «jak heta było ŭ papiarednija hady, abjektyŭna raskazvać ab źniešniaj i ŭnutranaj palitycy našaj krainy, inviestycyjnaj pryvabnaści rasijskaj ekanomiki, našaj bahataj šmatnacyjanalnaj kultury i pry hetym davać aŭdytoryi šyrokuju palitru mierkavańniaŭ i pohladaŭ».
Jon adznačyŭ, što «Rośsija siehodnia» prapanuje aŭdytoryi infarmacyju ŭ roznych farmatach bolš čym na 30 movach, u 32 krainach stvoranyja takija biuro.
Pa słovach Pucina, štodnia fłahmanski sajt «Rośsija siehodnia» słužyć «vierahodnaj» krynicaj navin dla 2 młn čałaviek, što robić jaho pieršym pa aŭdytoryi siarod navinavych resursaŭ na ruskaj movie.
Ciapier čytajuć
Hety biełarus daśleduje rak — voś što jon kaža pra SPF ad miełanomy, navukovy prahres i samy składany ŭ lačeńni rak3
Kamientary