Kitajski kredyt na 7 młrd. dołaraŭ, dakumienty ab vydzialeńni jakoha Biełarusi byli padpisanyja padčas vizitu ŭ Minsk staršyni KNR Si Czińpina letaś, vydzieleny na 16 hadoŭ z adterminoŭkaj pahašeńnia na piać hadoŭ pad 2% hadavych.
Pra heta paviedamiŭ namieśnik premjer-ministra Uładzimir Siamaška 30 červienia na sumiesnym pasiadžeńni Pałaty pradstaŭnikoŭ i Savieta Respubliki.
Raniej umovy kredytu nie abviaščalisia. Siamaška nazvaŭ ich nadzvyčaj vyhadnymi. «Voś tut siadzić vaš kaleha Šakucin Alaksandr Vasiljevič (staršynia rady dyrektaraŭ AAT «Amkador»). Voś tolki jon biare paŭtara miljarda dołaraŭ dla svajho chołdynha «Amkador» dla taho, kab pabudavać ceły šerah novych zavodaŭ i istotna madernizavać tyja zavody, jakija siońnia jość», — skazaŭ Siamaška.
Padčas vizitu ŭ Biełaruś Si Czińpina 10—12 maja 2015 hoda Bank raźvićcia Biełarusi, «Biełarusbank» i Dziaržaŭny bank raźvićcia Kitaja padpisali novaje kredytnaje pahadnieńnie na 7 młrd. dołaraŭ, meta jakoha, jak paviedamlała pres-słužba prezidenta, — «davańnie biełaruskim arhanizacyjam doŭhich resursaŭ pad kamfortnuju staŭku dla realizacyi efiektyŭnych inviestprajektaŭ».
Jak zajaviŭ premjer-ministr Andrej Kabiakoŭ na sustrečy sa staršynioj praŭleńnia Dziaržaŭnaha banka raźvićcia Kitaja Chu Chuajbanam, kredytnyja resursy, jakija daje kitajski bok, źjaŭlajucca dla Biełarusi «kamfortnymi jak pa terminach, tak i pa košcie». «Pry hetym značna sproščanyja pracedury atrymańnia», — skazaŭ Kabiakoŭ. Pavodle jaho słoŭ, biełaruski bok vielmi raźličvaje, što novy ŭzrovień kredytnaha supracoŭnictva ź Dziaržaŭnym bankam raźvićcia Kitaja pasłužyć na karyść abodvum krainam.
U lutym hetaha hoda Alaksandr Łukašenka daŭ daručeńnie ŭradu aktyvizavać pracu pa asvajeńni kitajskaha kredytu.
-
Štučny intelekt nie vaš supiernik, a vaš pamočnik. Daviarajcie inavacyjam, vam prosta daviadziecca ŭvieś čas padvučvacca
-
Narviehija stvaraje «Tinder dla navukoŭcaŭ i biznesu». Urad budzie apłačvać «pieršaje spatkańnie»
-
Amierykancy lubiać havaryć pra zaniapad Jeŭropy. Ale bolšaść jeŭrapiejcaŭ žyvie lepš za ich. Praŭda, jašče nie biełarusy
Ciapier čytajuć
Hety biełarus daśleduje rak — voś što jon kaža pra SPF ad miełanomy, navukovy prahres i samy składany ŭ lačeńni rak3
Kamientary