Pientahon pasprabuje vyrabić broniekamizelki z pavucińnia
Pavucińnie — adzin z najbolš tryvałych materyjałaŭ u pryrodzie, jaki nabližajecca pa hetym paramietry da kieŭłara, adnak adroźnivajecca značna bolšaj hnutkaściu.
U suviazi z hetym kampanija Kraig Biocraft pasprabuje vyprabavać pa zamovie Suchaputnych vojsk ZŠA tak zvany «pavucinny šoŭk» - materyjał, atrymany ad hienietyčna madyfikavanych šaŭkapradaŭ z častkaj DNK pavukoŭ, piša defenseone.com
Armija ZŠA vydała Kraig Biocraft hrant u $100 000 na pravierku novaha materyjała.
«My zrobim niekalki roznych varyjantaŭ materyjała pa ščylnaści, taŭščyni i sposabu pieraplacieńnia vałakna, jakija buduć vyprabavany standartnymi mietadami», — skazaŭ vykanaŭčy dyrektar kampanii Džon Rajs.
Kali vyprabavańni buduć paśpiachovymi, kantrakt pavialičycca da $1 000 000.
Rajs nie čakaje, što šoŭk z pavucińnia naŭprost zamienić kieŭłar — kieŭłar na 30% bolš tryvały.
«Adnak kieŭłar maje ełastyčnać 3%, a našy materyjały — 30-40», — adznačaje Rajs.
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca
Kamientary