Amierykanski ekstremał skočyŭ biez parašuta z vyšyni 7,6 km VIDEA
Na Youtube źjaviŭsia zapis skačka, jaki amierykanski skajdajvier-ekstremał Luk Ejkins ździejśniŭ biez parašuta z vyšyni 7,6 kiłamietra. 30 lipienia jon staŭ pieršym čałaviekam u śviecie, jakomu ŭdałosia pastavić rekord, pieradaje Associated Press.
42-hadovy mužčyna skoknuŭ ź lohkamatornaha samalota nad horadam Simi-Veli (štat Kalifornija). Praź dźvie chviliny volnaha palotu jon pryziamliŭsia na sietku, jakaja była naciahnuta nad ziamloj na vyšyni 20-paviarchovaha doma.
Truk 42-hadovaha spartoŭca, jaki rychtavaŭsia dva hady, pakazaŭ u žyvym efiry telekanał Fox News.
U chodzie vyprabavańniaŭ pa skidańni maniekienaŭ na sietku z samalota, adna z madelaŭ — 91-kiłahramovy maniekien - prarvaŭ jaje.
Hildyja kinaakcioraŭ patrabavała ad kaskadziora, kab jon adzieŭ parašut, ale jon admoviŭsia, pakolki raniec za plačyma rezka pavialičyŭ by jaho masu.
Razam ź im skakali try parašutysty, adzin ź jakich zdymaŭ jaho na kamieru, druhi trymaŭ dymavuju šašku, jakaja była bačnaja ź Ziamli, a treci - kanistru z kisłarodam. Zatym usie jany adkryli parašuty i adarvalisia ad Ejkinsa, pa zrazumiełych pryčynach jaki lacieŭ uniz kudy chutčej.
Ejkins — parašutyst ŭ trecim pakaleńni. Za svajo žyćcio spartsmien ździejśniŭ bolš za 18 tysiač skačkoŭ z parašutam. Jon treniruje jak pačatkoŭcaŭ, tak i daśviedčanych kaskadzioraŭ, i vykonvaje truki ŭ kino.
Były ministr kultury Rusłan Čarniecki znajšoŭ sabie padpracoŭku9
Kamientary