Japryncaŭ-małodšy patłumačyŭ, jak mienavita straciŭ $40 miljonaŭ

Dopyt Kaźbieka Japryncava dajšoŭ da taho momantu, jaki cikaviŭ usich tych, chto sočyć za pracesam — jak u biznesie Kaźbieka Japryncava i Alaksandra Arabiana źjaviłasia «dzirka» ŭ bolš čym 30 młn dalaraŭ.

Kaźbiek raspavioŭ, što pa rekamiendacyi «adnaho z top-mieniedžaraŭ «Trajpła» jon paznajomiŭsia z pradstaŭnikami banka (miarkujučy pa słovach abvinavačanaha — zamiežnaha), u jakich nabyli dźvie kampanii.

Vyśvietliłasia, što da pačatku 2015 hoda na rachunkach dźviuch kampanij Kaźbieka Japryncava, praź jakija jon zajmaŭsia chedžavańniem ryzyk pa asnoŭnych uhodach, kampanii pastupiła kala 41 młn dalaraŭ (33 i 8 młn). «Ja mieŭ znosiny ź mieniedžarami banka, jakija zajmalisia dla nas chedžavańniem — śpiarša ja prymaŭ rašeńni ab chedžavańni, potym jany… Ja padpisaŭ dźvie papiery — pra pryvatnaść, i pra maju adkaznaść za ŭkładańni. Ahavoranyja byli i sihnały, pa jakich mieniedžary adkryvali ŭhody na Foreksie, na rynku akcyj i ablihacyj… Ja hetym mieniedžaram daviaraŭ, ich mnie rekamiendavaŭ top-mieniedžar «Trajpła», ja ich šmat razoŭ bačyŭ u ofisie «Trajpła», — raspavioŭ Kaźbiek.

Mienavita hetymi hrašyma raźličvali pakryć pytańni i z Andrejem Rabcevičam, i ź inšymi kredytorami.

«U studzieni ja sprabavaŭ źviazacca z hetymi mieniedžarami — praz terminał, jaki byŭ mnie vydadzieny, taki ž, jak u Błumbierha i Rejtara. Try dni nie moh źviazacca — z-za spraŭ asabistaha charaktaru jany abiacali źviazacca paźniej. Potym ja daŭ rasparadžeńnie zrabić niekatoryja płaciažy. Ale jany skazali, što treba ŭtreści niejkija pytańni… Potym paprasili pra asabistuju sustreču. Na nastupny dzień jany byli ŭ Minsku i raspaviali, što jany na 20 ź lišnim młn dalaraŭ adkryli pazicyi, nie pamiataju ź jakim plačom, pa umoŭnych sihnałach. Papiery paviali siabie nie tak, na pakryćcio pajšli i astatnija hrošy. Ja byŭ u nakdaŭnie. Ja vyrašyŭ nikomu nie havaryć, sprabavaŭ sam razabracca ŭ situacyi», — paviedamiŭ Japryncaŭ-małodšy.

Mieniedžary nahadali Kaźbieku pra papiery, pra adkaznaść i pra pryvatnaść. «Skazali:« My rabili, jak treba, što nie atrymałasia — nie naša asabistaja vina», — praciahvaŭ Kaźbiek, adznačyŭšy, što kansultavaŭsia sa śpiecyjalistami, jakija paćvierdzili, što hrošy nie skradzienyja, a mienavita stračanyja pry niaŭdałych układańniach.

«Ja ŭsio ŭziaŭ na siabie», — reziumavaŭ Japryncaŭ.

• 0
• 0
• 0
• 0
• 0
• 0
• 0
• 0