Futbalistki žanočaj zbornaj Biełarusi stali pieramožcami mižnarodnaha turniru Balaton Cup, jaki prachodziŭ u Vienhryi.
U pieršaj hulni padapiečnyja Eduarda Dziemienkaŭca razhramili haspadyń spabornictvaŭ — vienhierskich futbalistak ź likam 4:1. Hały ŭ składzie biełarusak zabili Julija Dubień, Aksana Dranoŭskaja, Valeryja Karačun i Śviatłana Znajdzionava.
Vyrašalnaja sustreča za hałoŭny pryz suprać kamandy Rumynii taksama prajšła pad dyktoŭku biełaruskaj zbornaj, jakaja pieramahła z rezultatam 5:2 (Julija Ślesarčyk, Nastaśsia Charłanava, Julija Dubień, Nastaśsia Lińnik, Nastaśsia Šupa).
U hetym siezonie biełaruskaja zbornaja praviadzie dva zaklučnyja pajadynki adboračnaha turniru čempijanatu Jeŭropy-2017. 15 vieraśnia biełaruski prymuć u Minsku kamandu Makiedonii, a 20 vieraśnia zavieršać kvalifikacyjnuju kampaniju damašniaj hulnioj sa Słavienijaj.
Stanovišča kamand u 1-j kvalifikacyjnaj hrupie ciapier takoje: Isłandyja — 18 (6 matčaŭ; roźnica miačoŭ — 29-0), Šatłandyja - 18 (7; 28-6), Słavienija — 9 (6; 21-13), Biełaruś — 3 (6; 2-18), Makiedonija — 0 (7; 2-45).
Zbornaja Biełarusi daŭno straciła šancy trapić u finalnuju stadyju kantynientalnaha pieršynstva. Tudy vyjduć pieramožcy 8 kvalifikacyjnych hrup i 6 lepšych kamand z tych, što zaniali druhija miescy. Jašče dźvie zbornyja, jakija finišujuć druhimi, praviaduć stykavyja matčy 17 i 25 kastryčnika 2016 hoda. Finalny turnir žanočaha Jeŭra projdzie ŭ lipieni-žniŭni 2017 hoda na futbolnych palach Niderłandaŭ. Biełaruskija futbalistki nie vychodzili ŭ finalnyja stadyi top-turniraŭ.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary