Arnamient pad nahami. U centry Minska ŭkładvajuć plitku ŭ vyhladzie nacyjanalnaha ŭzoru FOTY
Sioleta biełaruskuju modu na vyšyvanku padchapiła i dziaržava. U vyniku nacyjanalnyja ŭzory stali časta źjaŭlacca na aficyjnych mierapryjemstvach, ale hetym sprava nie skončyłasia. Tak, u hetyja dni rabočyja vykładvajuć tratuarnaj plitkaj arnamient na praśpiekcie Pieramožcaŭ.
Apošnim časam dobraŭparadkavańniu praśpiekta Pieramožcaŭ nadajecca asablivaja ŭvaha. Ciapier siły kinutyja na kładku tratuarnaj plitki ad skryžavańnia z vulicaj Mielnikajte da skryžavańnia z praśpiektam Mašerava.
Admietnaja rysa — vykładzienyja ŭzory nacyjanalnaha arnamientu. Na ŭsim učastku jany raźmieščany ŭ troch miescach pa čatyry štuki.
Na skryžavańni z praśpiektam Mašerava sustrakajem rabočych «Harramaŭtadara». Mužyki kažuć, što ŭkładvajuć novuju plitku pa abodva baki praśpiekta da vybaraŭ. Kab ŭkłaścisia ŭ termin, na subpadrad uziali jašče i pryvatnuju kampaniju.
Pytańnie arnamientu rabočych asabliva nie chvaluje. Jany kažuć, što vidać budzie ŭzory «z samalota ci što» i razvažajuć pra inšyja rečy.
«U mianie chłopiec pryjechaŭ ź Piciera, pahladzieŭ na hetuju pracu i skazaŭ: «A vy što, takaja bahataja kraina? U nas usio ŭ asfalcie, bo plitka — heta darahoje zadavalnieńnie», — raspaviadaje adzin ź ich.
Mužčyna kaža, što jany kłali plitku jašče i krychu dalej — kala kramy «Susiedzi», ale pakul zamarozili tam pracu. Asnoŭny ŭpor — na hety ŭčastak.
«Ja razumieju, što heta pryhažość, ale kamu heta treba, kali ŭ ludziej niama hrošaj», — kaža rabočy.
Na druhim baku pracuje toj ža «Harramaŭtadar» i pryvatnaja kampanija «Advans Stroj». Ludzi ź pieršaj arhanizacyi kažuć, što plitku treba pakłaści da vybaraŭ. Rabočyja z pryvatnaj kampanii raspaviadajuć, što treba paśpieć da 1 vieraśnia, pakolki 3-ha budzie Dzień horada.
Adznačym, što plitka ŭ vyhladzie nacyjanalnaha ŭzoru choć i źjaŭlajecca novaj dla Minska źjavaj, ale ŭviazvajecca z ahulnym trendam hetaha hoda. U 2016-m vyšyvanka stała hałoŭnym simvałam Dnia niezaležnaści, kupalskaj nočy ŭ Aleksandryi i Słavianskaha bazaru.
Były ministr kultury Rusłan Čarniecki znajšoŭ sabie padpracoŭku9
Kamientary