Supracoŭniki adździeła kryminalnaha vyšuku Pieršamajskaha RUUS stalicy za ździajśnieńnie kradziažu šukajuć chłopca ź dziaŭčynaj, paviedamlaje pres-słužba HUUS Minharvykankama.
Para pryjšła ŭ łaźnievy kompleks, apłaciła uvachodny kvitok i atrymała śpiecyjalnyja branzalety z datčykami, z dapamohaj jakich možna było skarystacca pasłuhami bara na 40 rubloŭ, a pry vychadzie z ustanovy apłacić sumu, pakazanuju datčykam.
Maładyja ludzi znachodzilisia ŭ kompleksie kala dźviuch hadzin, skarystalisia pasłuhami bara. Paparyŭšysia, jany nakiravalisia ŭ kupiel. U pamiaškańni kupieli chłopiec adčyniŭ akno i pakinuŭ praź jaho kompleks, vykraŭšy branzalet. Praź niekatory čas dziaŭčyna nakiravałasia da vychadu z ustanovy. Addaŭšy svoj branzalet na recepcyi, jana skazała, što małady čałaviek vyrašyŭ jašče trochi adpačyć u kompleksie i vyjdzie krychu paźniej.
Ubačyŭšy adkrytaje akno, achoŭnik zapadozryŭ niadobraje i nakiravaŭsia ŭ kupiel. Prahledzieŭšy zapisy z kamier videanazirańnia, jon źviarnuŭsia ŭ milicyju. Zamova koštam 38 rubloŭ 69 kapiejek była nie apłačanaja, taksama byŭ vykradzieny darahi branzalet.
Prykmiety dziaŭčyny: na vyhlad 16-20 hadoŭ, siaredniaha ciełaskładu, vałasy śvietłyja siaredniaj daŭžyni. Była apranutaja ŭ ciomnyja džynsy, šery švedar ź biełymi kvadratami. Chłopiec: na vyhlad 16-20 hadoŭ, chudarlavy, vałasy ciomnyja karotkija, na momant sychodu byŭ apranuty ŭ płaŭki bardovaha koleru i tapki.
Kali vam znajomyja ludzi na fota, telefanujcie: +375 17 280 02 02, +375 29 179 40 45 i pa telefonie 102.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary