Niekalki dziasiatkaŭ tysiač litraŭ vina vyliłasia na vulicy horada Seta z cysternaŭ miascovaha handlara vinom na poŭdni Francyi (departamient Ero).
Palicyja miarkuje, što heta akt sabatažu. Vino, jakoje liłosia z cysternaŭ, što naležać handlovamu domu Biron S.A., zatapiła nabiarežnuju Oryjen, dzie znachodziacca sklepy, a taksama susiednija vulicy.
Paśla taho, jak zatapiła padziemnyja parkoŭki, u noč na 3 žniŭnia, miascovyja žychary vyklikali vyratavalnikaŭ.
Jak paviedamlaje miascovaja presa, achoŭnik sklepa čuŭ huk, jaki danosiŭsia, kali łamali dźviery i bačyŭ kala dvaccaci čałaviek u bałakłavach.
Vyratavalnikam udałosia spravicca z ałkaholnym patopam i ačyścić praśpiekt ad vina za paŭhadziny.
Nacyjanalnaja palicyja vyśviatlaje abstaviny zdareńnia. Paviedamlajecca, što, mahčyma, havorka idzie pra akt sabatažu.
Pa dadzienych telekanała France 3, adkaznaść za incydent na siabie ŭziaŭ Rehijanalny kamitet vinahradarskaha ruchu (CRAV), viadomy padobnymi akcyjami pratestu suprać zakupki Francyjaj vina ź Ispanii pa zanižanych koštach.
Raniej, 20 lipienia, siabry CRAV abrabavali schoviščy adnaho z francuzskich vinnych vytvorcaŭ. Anałahičnaja akcyja pratestu adbyłasia ŭ krasaviku hetaha hoda: kala sotni francuzskich vinahradaraŭ raźlili źmieściva aŭtacysternaŭ ź vinom ź Ispanii. Paviedamlajecca, što 100 ł ispanskaha napoju kaštujuć ad 30 da 40 jeŭra, tady jak ceny na vino z Francyi składajuć 70-80 jeŭra za 100 ł.
Kamientary