U Varšavie zatrymali ŭkrainca, jaki złaviŭ lehiendarnaha soma, jaki 20 hadoŭ płavaŭ u hetym voziery
«Pakłaŭ jaho ŭ bahažnik i pajechaŭ».
Palicyja Varšavy zatrymała 57‑hadovaha hramadzianina Ukrainy, jaki niezakonna vyłaviŭ hihanckaha soma daŭžynioj bolš za 182 santymietry z voziera Bałaton, što znachodzicca ŭ staličnym rajonie Hocłaŭ. Sprava nabyła šyroki rozhałas u sacsietkach i miedyja.
Zdareńnie adbyłosia 30 maja. Dvoje mužčyn płavali pa voziery na vodnym viełasipiedzie. Adzin ź ich mieŭ vudu, z dapamohaj jakoj i vyłaviŭ rybinu. Paśla hetaha mužčyny vałakli soma pa tratuary i zapichali ŭ bahažnik aŭtamabila, paśla čaho źjechali ŭ nieviadomym kirunku.
Vyłaŭlenaja ryba była vielmi dobra znajomaja miascovym žycharam — som płavaŭ tut 20 hadoŭ. Tutejšyja rybaki nie raz vyłoŭlivali hetaha hihanta, adnak z-za jaho lehiendarnaha statusu zaŭsiody adpuskali nazad u vadu.
Ukraińcy zabili legendarnego Warszawskiego suma na Gocławiu. Miał 183 cm i pływał w tej wodzie "od dekad".
Został żywcem wrzucony do bagażnika, więc mógł konać nawet kilka godzin. Do tego był okres ochronny, więc ryba została zabrana bezprawnie.
Źródło: Tim_pleciona pic.twitter.com/CQtIqoFL7z
Dziejańni mužčyn vyklikali abureńnie i pratesty vidavočcaŭ. Adnak tyja nibyta praihnaravali heta, pakłali soma ŭ bahažnik mašyny i źjechali ŭ nieviadomym kirunku.
Palicyja znajšła čałavieka, jaki złaviŭ soma. Im akazaŭsia 57‑hadovy hramadzianin Ukrainy.
«Možna mierkavać, što čałaviek złaviŭ hetuju rybu ŭ čas zabaronienaha siezonu, kali som znachodziŭsia pad achovaj i jaho łoŭla była zabaroniena, a taksama možna padazravać, što my budziem mieć spravu z žorstkim abychodžańniem z žyviołami z-za taho, što ryba pieravoziłasia biez dostupu da vady», — prakamientavali ŭ varšaŭskaj palicyi.
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary
[Zredahavana]