Litva zajaviła pra hatoŭnaść pryniać amierykanskuju jadziernuju zbroju
Raźviazaŭšy vajnu va Ukrainie i idučy na eskałacyju z krainami NATA, Uładzimir Pucin ryzykuje atrymać jadzierny arsienał ZŠA prosta kala miežaŭ Rasii. I pobač ź Biełaruśsiu.
Litva ŭžo viadzie aficyjnyja pierahavory z Vašynhtonam pra mahčymaje raźmiaščeńnie amierykanskaj jadziernaj zbroi na svajoj terytoryi. Pra heta žurnalistam paviedamiŭ ministr nacyjanalnaj abarony krainy Robiertas Kaŭnas, piša Politico.
Litva viadzie pieramovy z ZŠA ab patencyjnym raźmiaščeńni amierykanskaj jadziernaj zbroi na svajoj terytoryi. «Abmierkavańni praciahvajucca», — skazaŭ žurnalistam ministr nacyjanalnaj abarony Litvy Robiertas Kaŭnas.
«Financial Times» na hetym tydni paviedamiła, što amierykanskija čynoŭniki viaduć pieramovy ab razhortvańni jadziernych bojehałovak i bambavikoŭ u krainach na ŭschodnim fłanhu NATA. Amierykanskaja jadziernaja zbroja ŭ ciapierašni čas zachoŭvajecca na vajskovych abjektach u Hiermanii, Bielhii, Italii, Turcyi, Niderłandach i Vialikabrytanii.
Pavodle infarmacyi vydańnia Financial Times, ZŠA razhladajuć scenaryj z razhortvańniem jadziernaj zbroi ŭ tych jeŭrapiejskich krainach NATA, jakija da hetaha času nie byli zadziejničanyja ŭ hetaj prahramie.
Hety krok zaklikany pierakanać sajuźnikaŭ, što skaračeńnie zvyčajnaj vajskovaj padtrymki z boku Vašynhtona nie asłabić ich biaśpieku. Jak paviedamlajuć try krynicy haziety, havorka idzie pra raźmiaščeńnie amierykanskich samalotaŭ, zdolnych nieści jadziernyja zarady. «Litva, biezumoŭna, nie staić u baku», — skazaŭ Kaŭnas.
Kab zrabić takoje raźmiaščeńnie mahčymym, Vilnius vykazaŭ hatoŭnaść pierahledzieć ułasnuju Kanstytucyju, jakaja na siońnia zabaraniaje znachodžańnie zbroi masavaha źniščeńnia ŭ miežach krainy. Prezident Litvy Hitanas Naŭsieda ŭžo dapuściŭ uniasieńnie źmianieńniaŭ u Asnoŭny zakon, spasyłajučysia na pytańni biaśpieki ŭ rehijonie.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary