Ministr adukacyi Šviecyi Aida Chadžyjalič pakinuła svaju pasadu paśla taho, jak trapiłasia na jaździe ŭ niećviarozym stanie. Chadžyjalič, baśnijskuju musulmanku pavodle pachodžańnia, spynili dla pravierki na darozie z Kapienhahiena ŭ Malmio.
Žančyna viartałasia z kancertu. Pierad tym jak sieści za rul jana vypiła dva kielichi vina i raźličvała, što ałkahol chutka «vyvietrycca». Adnak pravierka pakazała, što ŭ jaje kryvi 0,2 pramile ałkaholu.
Svoj učynak čynoŭnica nazvała «najvialikšaj pamyłkaj u žyćci». Premjer-ministr Šviecyi Stefan Lovien daŭ zhodu na adstaŭku Chadžyjalič i ŭžo pryznačyŭ vykanaŭcu abaviazkaŭ ministra.
Aida Chadžyjalič zaniała pasadu ministra adukacyi ŭ 2015 hodzie, kali joj było 27 hadoŭ. Jana stała najmaładziejšym u historyi Šviecyi čalcom kabinieta ministraŭ i pieršaj musulmankaj u krainie na takoj pasadzie. Baćki pryvieźli jaje ŭ Šviecyju ŭ piacihadovym uzroście.
Chadžyjalič zajaviła, što ŭśviedamlaje ciažkaść parušeńnia i hatovaja da pakarańnia i štrafu.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1414
Kamientary