Kandydat u deputaty ad AHP Jury Chaščavacki źviarnuŭsia da vybarcaŭ u efiry «Biełaruś-3». Heta byŭ badaj samy mocny vystup pradstaŭnikoŭ apazicyi z tych, što ŭžo tranślavalisia sioleta.
Chaščavacki pieraličyŭ šerah prablem, jakija, pavodle jaho słoŭ, biełarusy abmiarkoŭvajuć štodnia: heta rost cenaŭ, vialikija vydatki na ŭtrymańnie čynoŭnikaŭ, nieabaronienaść pierad biezzakońniem miantoŭ, drennaja jakaść biaspłatnaj miedycyny, darahoŭla adukacyi.
«Vy dumajecie pra heta, ale ničoha nie robicie, kab usio heta źmianić, — źviarnuŭsia Chaščavacki da vybarščykaŭ. — Vy ničoha nie zrabili ŭ 1996 hodzie, kali źniščaŭsia parłamient, u 1999-m, kali stali źnikać viadomyja palityki, u pačatku 2000-ch, kali Łukašenka padmanam prysvoiŭ sabie prava abiracca pažyćciova, kali ŭ 2010-m amal usich kandydataŭ u prezidenty pasadzili u turmu. I paśla hetaha vy kažacie, što ŭ nas słabaja apazicyja. Heta nie apazicyja słabaja — heta vy słabyja. Para stanavicca mocnymi i viarnuć pačućcio ŭłasnaj hodnaści, — skazaŭ na zakančeńnie kandydat.
Ciapier čytajuć
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska4
Kamientary